টাউতেত ক্ষতিগ্ৰস্ত গুজৰাটলৈ 1000 কোটিৰ অনুমোদন প্ৰধানমন্ত্ৰীৰ

টাউতে ঘূৰ্ণীয়ে ক্ষতিগ্ৰস্ত কৰা গুজৰাটলৈ 1000 কোটিৰ তাৎক্ষণিক আৰ্থিক সাহায্যৰ অনুমোদন ৷ আকাশমাৰ্গেৰে ক্ষয়-ক্ষতিৰ বুজ লৈ প্ৰধানমন্ত্ৰী নৰেন্দ্ৰ মোডীৰ এই ঘোষণা ৷ নিহতসকলৰ আত্মীয়লৈ 2 লাখ আৰু গুৰুতৰভাৱে আঘাতপ্ৰাপ্তসকললৈ 50,000 টকাৰ ক্ষতিপূৰণ ৷

নেচনেল ডেস্ক,20 মে': টাউতেৰ সংহাৰত ক্ষতিগ্ৰস্ত গুজৰাটলৈ তাৎক্ষণিক সাহায্য হিচাপে 1000 কোটি টকাৰ অনুমোদন জনাইছে প্ৰধানমন্ত্ৰী নৰেন্দ্ৰ মোডীয়ে ৷ এক বিভাগীয় বিবৃতিযোগে জানিবলৈ দিয়া মতে, আকাশমাৰ্গেৰে টাউতেত ক্ষতিগ্ৰস্ত ৰাজ্যখন পৰ্যবেক্ষণ কৰাৰ পাচতে প্ৰধানমন্ত্ৰী গৰাকীয়ে এই সাহায্যৰ অনুমোদন জনায় ৷ ঘূৰ্ণী বতাহৰ ফলত নিহতসকলৰ আত্মীয়ৰ বাবেও প্ৰধানমন্ত্ৰী গৰাকীয়ে 2 লাখ টকাৰ ক্ষতিপূৰণ ঘোষণা কৰে ৷

প্ৰেছ ইনফৰমেশ্যন ব্যুৰ' (পিআইবি) ৰ এক বিজ্ঞপ্তিত এই কথাও কোৱা হৈছে যে, সংশ্লিষ্ট ৰাজ্যসমূহে কেন্দ্ৰৰ সৈতে ধুমুহাত ক্ষয়-ক্ষতিৰ পৰ্যালোচনা কৰাৰ পাচত অন্যান্য প্ৰভাৱিত ৰাজ্যসমূহলৈও তাৎক্ষণিক বিত্তীয় সাহায্য প্ৰদান কৰা হ'ব ৷ গুজৰাটৰ মুখ্যমন্ত্ৰী বিজয় ৰূপানী আৰু অন্যান্য শীৰ্ষ বিষয়াসকলৰ সৈতে এক পৰ্যালোচনা বৈঠকত অংশ লোৱাৰ পাচত প্ৰধানমন্ত্ৰী গৰাকীয়ে এই ঘোষণা কৰে ৷

• Ex-gratia of Rs. 2 lakh would be given to the next of kin of those who lost their lives due to Cyclone Tauktae in all the affected states. Rs. 50,000 would be given to the injured. GOI is in full solidarity with those affected and will provide them all possible support.

  — Narendra Modi (@narendramodi) May 19, 2021 " class="align-text-top noRightClick twitterSection" data="

  Ex-gratia of Rs. 2 lakh would be given to the next of kin of those who lost their lives due to Cyclone Tauktae in all the affected states. Rs. 50,000 would be given to the injured. GOI is in full solidarity with those affected and will provide them all possible support.

  — Narendra Modi (@narendramodi) May 19, 2021

  ">

  Ex-gratia of Rs. 2 lakh would be given to the next of kin of those who lost their lives due to Cyclone Tauktae in all the affected states. Rs. 50,000 would be given to the injured. GOI is in full solidarity with those affected and will provide them all possible support.

  — Narendra Modi (@narendramodi) May 19, 2021

ঘূৰ্ণী বতাহত ক্ষতিগ্ৰস্ত কেৰালা, কৰ্ণাটক, গোৱা, মহাৰাষ্ট্ৰ, গুজৰাট, ৰাজস্থানৰ লগতে দমন-দিউ আৰু দাদৰা-নগৰ হাভেলী কেন্দ্ৰীয় শাসিত অঞ্চলৰ নিহতসকলৰ আত্মীয়লৈ 2 লাখ টকাৰ ক্ষতিপূৰণ ঘোষণা কৰাৰ লগতে গুৰুতৰভাৱে আঘাতপ্ৰাপ্ত সকললৈ 50,000 টকাৰ সাহায্য ঘোষণা কৰা হৈছে ৷

বিবৃতিটোত উল্লেখ কৰা মতে, ধুমুহাত ক্ষতিগ্ৰস্ত অঞ্চলৰ সমূহৰ আন্ত:গাঁথনি পুনৰ নিৰ্মাণ তথা ক্ষতিগ্ৰস্ত লোকসকলৰ পুনৰ সংস্থাপনৰ বাবে ৰাজ্য চৰকাৰৰ সৈতে কেন্দ্ৰই পূৰ্ণ সহযোগিতাৰে কাম কৰিব বুলিও প্ৰধানমন্ত্ৰী গৰাকীয়ে গুজৰাটবাসীক নিশ্চয়তা প্ৰদান কৰে ৷ জানিব পৰা মতে, মোডীয়ে ৰাজ্যখনৰ ক'ভিড পৰিস্থিতিৰো বুজ লয় ৷

গুজৰাট চৰকাৰে প্ৰকাশ কৰা তথ্য অনুযায়ী ঘূৰ্ণী বতাহৰ ফলত সংঘটিত বিভিন্ন ঘটনাত ৰাজ্যখনত মুঠ 45 গৰাকী লোকে প্ৰাণ হেৰুৱাইছে ৷ টাউতেৰ প্ৰভাৱে 16,000 ৰো অধিক ঘৰ ক্ষতিগ্ৰস্ত কৰাৰ লগতে প্ৰায় 40,000 ৰো অধিক গছ-গছনি আৰু 70,000 ৰো অধিক বৈদ্যুতিক খুঁটা উভালি পৰে ৷ ইয়াৰ সমান্তৰালকৈ ৰাজ্যখনৰ প্ৰায় 5,951 গাঁৱত বৈদ্যুতিক সংযোগ সম্পূৰ্ণৰূপে বিচ্ছিন্ন হৈ পৰে বুলিও জানিব পৰা গৈছে ৷

লগতে পঢ়ক: গুজৰাটত টাউতেৰ ধ্বংসলীলা: 45 জনৰ মৃত্যু