নিডজ ডেস্ক, 3 জানুৱাৰী : জম্মু-কাশ্মীৰ পুঞ্চ জিলাৰ LoC ত পুনৰ যুদ্ধ বিৰতি উলংঘন কৰিলে পাকিস্তানী সেনাই ৷ ভাৰতীয় সেনাৰ এক সুত্ৰই সদৰী কৰা মতে, দেওবাৰে আবেলি নিয়ন্ত্ৰণ ৰেখাৰ মেনডাৰ ছেক্টৰত ভাৰতীয় সেনাক লক্ষ্য কৰি পাকিস্তানী সেনাই ধাৰাসাৰ গুলী বৰ্ষণ কৰে ৷
ইফালে সূত্ৰটোৱে সদৰী কৰা মতে, গুলী বৰ্ষণৰ ফলত কোনো আহত হোৱা নাই ৷ তদুপৰি পাকিস্তানী সেনাক ভাৰতীয় সেনাই উচিত প্ৰত্যুতৰ দিয়ে বুলি জানিবলৈ দিয়ে সূত্ৰটোৱে ৷
উল্লেখ্য যে, 2020 চনত জম্মু-কাশ্মীৰৰ নিয়ন্ত্ৰণ ৰেখাত সৰ্বাধিক 5,100 বাৰ যুদ্ধ বিৰতি উলংঘন কৰিছে পাকিস্তানে ৷ বিগত 18 বছৰৰ ভিতৰত এয়াই সৰ্বাধিক বুলি জানিব পৰা গৈছে ৷
লগতে পঢ়ক: 18 শতাংশ বৃদ্ধিৰে আবকাৰী বিভাগে সংগ্ৰহ কৰিলে অভিলেখসংখ্যক কৰ
