দিল্লী আৰক্ষীৰ তৎপৰতাত মুম্বাইত আটক সন্দেহযুক্ত সন্ত্ৰাসবাদী

দিল্লী আৰক্ষীৰ বিশেষ শাখাই কিছুদিন পূৰ্বে পাকিস্তানৰ একাংশ সন্ত্ৰাসবাদী ভাৰতত বাহৰ পাতি কূটাঘাতমূলক কাৰ্যকলাপ সংঘটিত কৰাৰ পৰিকল্পনা কৰি থকাৰ তথ্য উদঘাটন কৰিছিল ৷ শেহতীয়াকৈ মুম্বাইৰ পৰা এজন সন্দেহযুক্ত সন্ত্ৰাসবাদীক গ্ৰেপ্তাৰ কৰে দিল্লী আৰক্ষীৰ বিশেষ শাখাই ৷

নেশ্যনেল ডেস্ক, 18 ছেপ্তেম্বৰ : শেহতীয়াকৈ মুম্বাইৰ পৰা এজন সন্দেহযুক্ত সন্ত্ৰাসবাদীক গ্ৰেপ্তাৰ কৰে দিল্লী আৰক্ষীৰ বিশেষ শাখাই ৷ আটকাধীন সন্ত্ৰাসবাদী সদস্যজনৰ নাম জাকিৰ ৷ কিছুদিন পূৰ্বে দিল্লী আৰক্ষীৰ বিশেষ শাখাই পাকিস্তানৰ সন্ত্ৰাসবাদী ভাৰতত বাহৰ পাতি থকাৰ তথ্য উদঘাটন কৰিছিল ৷ ইয়াৰ পিছতে বিভিন্ন ঠাইত চলাই থকা হৈছে সন্ত্ৰাসবাদী বিৰোধী অভিযান ৷

এই অভিযানৰ ভিত্তিতে শেহতীয়াকৈ মুম্বাই আৰক্ষীৰ সহযোগত দিল্লী আৰক্ষীয়ে আটক কৰিবলৈ সক্ষম হৈছে জাকিৰক ৷ দিল্লী আৰক্ষীয়ে ইতিমধ্যে 8 গৰাকীকৈ সন্দেহযুক্ত সন্ত্ৰাসবাদী সংগঠনৰ সদস্যক গ্ৰেপ্তাৰ কৰিবলৈ সক্ষম হৈছে ৷ তথ্য অনুসৰি, যোৱা মঙলবাৰে দিল্লী আৰক্ষীৰ বিশেষ শাখাই পাকিস্তানৰ কোনো অজ্ঞাত নিয়ন্ত্ৰকে পৰিচালনা কৰি থকা সন্ত্ৰাসবাদী মডিউলৰ স্থিতি ধৰা পেলাইছিল ৷

লগতে পঢ়ক : মহাত্মা গান্ধীৰ একবস্ত্ৰ আৰু মাদুৰাইৰ সৈতে ইয়াৰ সম্পৰ্ক

ইতিমধ্যে আৰক্ষীৰ বিশেষ শাখাটোৱে প্ৰায় 6 গৰাকী সন্ত্ৰাসবাদীক গ্ৰেপ্তাৰ কৰিছে ৷ ইয়াৰ ভিতৰত দুগৰাকীয়ে পাকিস্তানৰ পৰা প্ৰশিক্ষণ লৈ অহা বুলিও জানিব পৰা গৈছে ৷

এই দলটোৱে অনাগত সময়ত দিল্লী, উত্তৰ প্ৰদেশ, মহাৰাষ্ট্ৰ আদি ৰাজ্যত কূটাঘাতমূলক কাৰ্যকলাপ সংঘটিত কৰাৰ পৰিকল্পনা কৰিছিল ৷ এই 6 জনীয়া দলটোক গ্ৰেপ্তাৰৰ পিছতে চলোৱা জেৰাত আৰক্ষীয়ে জাকিৰ সম্বন্ধে তথ্য লাভ কৰিছিল ৷ দিল্লী আৰক্ষীয়ে তাৎক্ষণিকভাৱে মুম্বাই আৰক্ষীৰ সৈতে এই সন্দৰ্ভত আলোচনা কৰে আৰু মুম্বাই আৰক্ষীয়ে জাকিৰক গ্ৰপ্তাৰ কৰে ৷

ইতিমধ্যে দিল্লী আৰক্ষীৰ বিশেষ শাখা জাকিৰক অনাৰ বাবে মুম্বাইলৈ ৰাওনা হৈছে ৷ তদুপৰি দিল্লী আৰক্ষীয়ে কিছুদিন পূৰ্বে উত্তৰ প্ৰদেশৰ পৰা হুমেদ উৰ ৰহমান নামৰ এজন লোককো গ্ৰেপ্তাৰ কৰিবলৈ গৈছিল ৷ গ্ৰেপ্তাৰৰ পূৰ্বে হুমেদে প্ৰয়াগৰাজস্থিত এখন থানাত আত্মসমৰ্পণ কৰে ৷ আৰক্ষীৰ দলে হুমেদকো দিল্লীলৈ আনিব বুলি জানিব পৰা গৈছে ৷

লগতে পঢ়ক : INX মিডিয়া গোচৰ : দিল্লীৰ আদালতত পিটাৰ মুখাৰ্জীৰ জামিন আবেদনৰ শুনানি