নেশ্যনেল ডেস্ক, ৪ জুন : শুকুৰবাৰে বালাচোৰৰ ট্ৰিপল ৰে’ল দুৰ্ঘটনাই জোকাৰি গৈছে ৰাজ্য (Triple train crash in Odisha) ৷ শেহতীয়াকৈ জানিব পৰা মতে, এই ৰে’ল দুৰ্ঘটনাত ইতিমধ্যে মৃত্যু হৈছে ২৮৮ জন লোকৰ । প্ৰশাসনৰ ফালৰ পৰা জনোৱা মতে, যাত্ৰীবাহী ৰে’লৰ ক্ষতিগ্ৰস্ত ডবাবোৰৰ পৰা ৪৪ জন যাত্ৰীক জীৱিত অৱস্থাত উদ্ধাৰ কৰা হৈছে ৷ ইয়াৰ বিপৰীতে সেই একেটা স্থানৰ পৰা একে সময়তে ১১২ জন যাত্ৰীৰ মৃতদেহ উদ্ধাৰ কৰা হৈছিল ৷
ইফালে, শনিবাৰে ৰে’ল মন্ত্ৰালয়ৰ মুখপাত্ৰ অমিতাভ শৰ্মাই কয় যে এই দুৰ্ঘটনাৰ বাবে মুঠ ৫৮ খন ৰে’ল বাতিল কৰা হৈছে (Odisha train tragedy)। ইয়াৰ ৮১ খন ৰে’লৰ পথ সলনি কৰা হৈছে । ১০ খন ৰে’লৰ চলাচল বন্ধ কৰা হৈছে ৷
আনহাতে, ওড়িশাৰ এছ’চিয়েটেড প্ৰেছৰ সঞ্চালক সুধনছু সাৰংগীয়ে (Sudhanshu Sarangi, director of Associated Press) কয়, ‘‘নিশা ১০ বজাৰ ভিতৰত (শুকুৰবাৰ) আমি জীৱিতসকলক উদ্ধাৰ কৰিবলৈ সক্ষম হৈছিলো । তাৰ পিচত মৃতদেহবোৰ উদ্ধাৰ কৰা হৈছিল । মোৰ কেৰিয়াৰত এইটোৱে প্ৰথম ঘটনা’’ ৷
তেওঁ কয়, ‘‘বৰ্তমানো বহু মৃতদেহৰ পৰিচয় উদ্ধাৰ কৰিবলৈ সক্ষম হোৱা নাই ৷ দেহৰ গঠনৰ ওপৰত ভিত্তি কৰি কিছু মৃতদেহৰ পৰিচয় ওলোৱাটো সম্ভৱ নহয় ৷ একপ্ৰকাৰে মৃতদেহৰ পৰিচয় উদ্ধাৰ কৰাটো একপ্ৰকাৰে প্ৰত্যাহ্বান ৰূপে দেখা দিছে ৷ সেয়ে প্ৰয়োজন অনুসৰি DNA পৰীক্ষাৰা জৰিয়তে কিছু কিছু মৃতদেহৰ চিনাক্ত কাৰ হ’ব’’ (Challenge now is identifying bodies) ৷
লগতে পঢ়ক : Odisha train accident : গাইছাল ৰে’ল দুৰ্ঘটনাৰ ভয়াৱহতাৰ বহু স্মৃতি সুঁৱৰি আজিও আৱেগিক পিন্টু ৰায়
তেওঁ আৰু কয়, ‘‘শুকুৰবাৰৰ পৰা শনিবাৰে পুৱালৈকে প্ৰায় ২৮০ টা মৃতদেহ উদ্ধাৰ কৰা হৈছে । বৰ্তমান উদ্ধাৰ অভিযানৰ কাম সম্পূৰ্ণ হৈছে । শেহতীয়া খবৰ অনুসৰি বৰ্তমানলৈকে ২৮৮ জনৰ মৃত্যু হৈছে ৷ ৰে’ল কৰ্তৃপক্ষই ট্ৰেক মেৰামতিৰ বাবে ধ্বংসাৱশেষসমূহ আঁতৰাবলৈ আৰম্ভ কৰিছে’’ ৷
ওড়িশা চৰকাৰে উল্লেখ কৰা অনুসৰি, এই উদ্ধাৰ অভিযানত ৰাষ্ট্ৰীয় দুৰ্যোগ প্ৰশমন বাহিনীৰ ৭ টা দল, ওড়িশা দুৰ্যোগ ৰেপিড একচন বাহিনী (অ’ডিআৰএফ) ৰ পাঁচটা ইউনিট আৰু অগ্নিনিৰ্বাপক বাহিনীৰ ২৪ টা আৰু জৰুৰীকালীন ইউনিট জড়িত হৈ আছে ।
মৃত আৰু আহতসকলক উদ্ধাৰ কৰিবলৈ ভাৰতীয় বায়ুসেনাই মি-১৭ হেলিকপ্টাৰ নিয়োগ কৰিছে । ইষ্টাৰ্ণ কমাণ্ডৰ মতে, উদ্ধাৰ অভিযানত সম্ভৱপৰ সকলো সহায় আগবঢ়াবলৈ আই এ এফ সাজু আৰু অসামৰিক প্ৰশাসন আৰু ভাৰতীয় ৰে’লৱেৰ সৈতে অহৰহ যোগাযোগত আছে ।
লগতে পঢ়ক : Triple train crash in Odisha : আহত যাত্ৰীক বিনামূলীয়াকৈ চিকিৎসা প্ৰদান কৰাৰ নিৰ্দেশ ওড়িশা চৰকাৰৰ
