নেশ্যনেল ডেস্ক, ১ আগষ্ট : মণিপুৰৰ হিংসা অব্যাহত আছে । কিন্তু ইয়াৰ মাজতে এইবাৰ হাৰিয়ানাত আন এক সংঘৰ্ষ আৰম্ভ হৈছে । সোমবাৰে, হিন্দু সংগঠনবোৰে নুহত ব্ৰজ মণ্ডল যাত্ৰা উলিওৱাৰ সময়তে দুটা গোটৰ মাজত সংঘৰ্ষ আৰম্ভ হয় । প্ৰথমে বিবাদ, তাৰ পাছত সংঘৰ্ষ আৰু শিলগুটি নিক্ষেপ কৰা হয় । লাহে লাহে এই ঘটনাই হিংসাৰ ৰূপ লয় ।
এতিয়ালৈকে, এই হিংসাত দুগৰাকী গৃহৰক্ষী জোৱান নিহত হোৱাৰ খবৰ পোৱা গৈছে । ১৫ জনতকৈও অধিক আৰক্ষী আহত হৈছে । নুহত সংঘটিত এই হিংসাত্মক ঘটনাৰ পাচতে অৰ্ধসামৰিক বাহিনীৰ ৮ টা বেটেলিয়ন মোতায়েন কৰা হৈছে । ইফালে হিংসাৰ মাজতে মন্দিৰত আৱদ্ধ লোকসকলকো উদ্ধাৰ কৰা হৈছে ।
উল্লেখ্য যে, ১ আৰু ২ আগষ্টত হাৰিয়ানা বিদ্যালয় শিক্ষা পৰিষদে ৰাজ্যখনত দশম শ্ৰেণীৰ পৰিপূৰক আৰু ডি.এল.এড পৰীক্ষা অনুষ্ঠিত কৰাৰ কথা আছিল । কিন্তু নুহৰ হিংসাৰ পাছতে পৰীক্ষাবোৰ পিছুৱাই দিয়া হৈছে । পৰিষদৰ অধ্যক্ষ ড৹ ভিপি যাদৱে কয় যে, স্থগিত পৰীক্ষাৰ তাৰিখ পৰৱৰ্তী সময়ত ঘোষণা কৰা হ'ব । প্ৰথমে কেৱল নুহ আৰু পালৱাল জিলাৰ পৰীক্ষা কেন্দ্ৰতহে এই পৰীক্ষাসমূহ স্থগিত ৰখাৰ সিদ্ধান্ত লোৱা হৈছিল যদিও পাছত সমগ্ৰ জিলাতে এই পৰীক্ষা স্থগিত ৰখা হয় ।
ইয়াৰ উপৰিও নুহকে ধৰি হাৰিয়ানাৰ ৫ খন জিলাত ১৪৪ ধাৰা জাৰি কৰা হৈছে । ১ আগষ্টৰ বাবে নুহ, ফৰিদাবাদ, গুৰুগ্ৰাম আৰু পালৱালত শিক্ষানুষ্ঠান আৰু প্ৰশিক্ষণ কেন্দ্ৰসমূহ প্ৰশাসনে বন্ধ ৰখাৰ নিৰ্দেশ দিছে । উপায়ুক্ত প্ৰশান্ত পানৱাৰে শান্তি আৰু আইন শৃংখলা পৰিস্থিতি উন্নত কৰাৰ বাবে পুৱা ১১ বজাত উভয় সমাজৰ বৈঠক আহ্বান কৰিছে ।
-
#WATCH वहां पर पर्याप्त संख्या में बल तैनात किया जा रहा है। हमने केंद्र से भी बात की है। हम वहां शांति बहाल करने की कोशिश कर रहे हैं। जहां-जहां पर लोग फंसे हुए हैं उन्हें बचाया जा रहा है: नूंह हिंसा पर हरियाणा के गृह मंत्री अनिल विज pic.twitter.com/2Xy4q4tPDd
— ANI_HindiNews (@AHindinews) July 31, 2023 " class="align-text-top noRightClick twitterSection" data="
">#WATCH वहां पर पर्याप्त संख्या में बल तैनात किया जा रहा है। हमने केंद्र से भी बात की है। हम वहां शांति बहाल करने की कोशिश कर रहे हैं। जहां-जहां पर लोग फंसे हुए हैं उन्हें बचाया जा रहा है: नूंह हिंसा पर हरियाणा के गृह मंत्री अनिल विज pic.twitter.com/2Xy4q4tPDd
— ANI_HindiNews (@AHindinews) July 31, 2023#WATCH वहां पर पर्याप्त संख्या में बल तैनात किया जा रहा है। हमने केंद्र से भी बात की है। हम वहां शांति बहाल करने की कोशिश कर रहे हैं। जहां-जहां पर लोग फंसे हुए हैं उन्हें बचाया जा रहा है: नूंह हिंसा पर हरियाणा के गृह मंत्री अनिल विज pic.twitter.com/2Xy4q4tPDd
— ANI_HindiNews (@AHindinews) July 31, 2023
জানিব পৰা মতে, সোমবাৰে বিশ্ব হিন্দু পৰিষদে হাৰিয়ানাৰ নুহ জিলাত ব্ৰজ মণ্ডল যাত্ৰা উলিয়াইছিল । গুৰুগ্ৰাম, ৰেৱাৰী, ৰোহতক, পানীপথ, ভিৱানী, নাৰনাউল, ঝাজ্জৰ, ফৰিদাবাদকে ধৰি বিভিন্ন জিলাৰ লোকসকলে এই যাত্ৰাত অংশগ্ৰহণ কৰিছিল । খবৰ অনুসৰি যেতিয়া সমদলটো দুপৰীয়া নুহৰ তিৰঙ্গা পাৰ্কৰ ওচৰত উপস্থিত হৈছিল । তাত উপস্থিত থকা আন এটা গোটৰ সৈতে তেওঁলোকৰ বিবাদ আৰম্ভ হয় । অভিযোগ অনুসৰি ইয়াৰ পাছতে আন এটা সম্প্ৰদায়ৰ গোটটোৱে শিল নিক্ষেপ কৰিবলৈ আৰম্ভ কৰে ।
-
Haryana | All educational institutions including schools, colleges, and coaching centres in Gurugram district will remain closed on Tuesday, August 1: District Information & Public Relations Officer, Gurugram pic.twitter.com/5gJJBMyWuM
— ANI (@ANI) July 31, 2023 " class="align-text-top noRightClick twitterSection" data="
">Haryana | All educational institutions including schools, colleges, and coaching centres in Gurugram district will remain closed on Tuesday, August 1: District Information & Public Relations Officer, Gurugram pic.twitter.com/5gJJBMyWuM
— ANI (@ANI) July 31, 2023Haryana | All educational institutions including schools, colleges, and coaching centres in Gurugram district will remain closed on Tuesday, August 1: District Information & Public Relations Officer, Gurugram pic.twitter.com/5gJJBMyWuM
— ANI (@ANI) July 31, 2023
পাছত এই বিবাদে হিংসাৰ ৰূপ লয় । দুয়োটা সম্প্ৰদায়ৰ মাজত সংঘৰ্ষ হয় । ইফালে, দুৰ্বৃত্তই ৪০ খনতকৈও অধিক বাহনত অগ্নিসংযোগ কৰে । আৰক্ষীয়ে ৰাইজক নিয়ন্ত্ৰণ কৰিবলৈ চেষ্টা কৰাৰ সময়তে দুৰ্বৃত্তই আৰক্ষীক আক্ৰমণ কৰে ।
পৰিস্থিতিয়ে ভয়ংকৰ ৰূপ লোৱাৰ লগে লগে ৰেৱাৰী, গুৰুগ্ৰাম, ফৰিদাবাদ, পালৱালৰ পৰা অতিৰিক্ত আৰক্ষী বাহিনী সেই স্থানলৈ প্ৰেৰণ কৰা হয় । পৰিস্থিতি ইমানেই ভয়ংকৰ আছিল যে, লগে লগে অঞ্চলটোত ইণ্টাৰনেট সেৱা বন্ধ কৰি দিয়া হৈছে । নুহত ২ আগষ্টলৈকে ইণ্টাৰনেট সেৱা স্থগিত ৰখা হৈছে । ইফালে উত্তেজিত লোকে ব্যৱসায়িক প্ৰতিষ্ঠান,ঘৰ আদি লুটি লৈ যায় । নুহৰ এই হিংসা লাহে লাহে গুৰুগ্ৰামৰ চোহনা আৰু পালৱাল জিলাতো বিয়পি পৰিছে বুলি জানিব পৰা গৈছে ।
-
#WATCH | Aftermath of clash that broke out between two groups in Haryana's Nuh on July 31.
— ANI (@ANI) August 1, 2023 " class="align-text-top noRightClick twitterSection" data="
Police force has been deployed in the area and mobile internet services have been temporarily suspended. pic.twitter.com/jwOTF6fnXg
">#WATCH | Aftermath of clash that broke out between two groups in Haryana's Nuh on July 31.
— ANI (@ANI) August 1, 2023
Police force has been deployed in the area and mobile internet services have been temporarily suspended. pic.twitter.com/jwOTF6fnXg#WATCH | Aftermath of clash that broke out between two groups in Haryana's Nuh on July 31.
— ANI (@ANI) August 1, 2023
Police force has been deployed in the area and mobile internet services have been temporarily suspended. pic.twitter.com/jwOTF6fnXg
ইফালে, হাৰিয়ানাৰ গৃহমন্ত্ৰী অনিল ভিজে গৃহমন্ত্ৰী অমিত শ্বাহৰ সৈতে বিষয়টোক লৈ যোগাযোগ স্থাপন কৰিছে । তাৰ পাছত নিশা হাৰিয়ানালৈ অৰ্ধসামৰিক বাহিনীৰ ৮ টা বেটেলিয়ন প্ৰেৰণ কৰা হয় । য'ত চিআৰপিএফৰ ৫ টা বেটেলিয়ন আৰু আৰএএফৰ ৩ টা বেটেলিয়ন অন্তৰ্ভুক্ত আছে । নুহত নিশা নিৰাপত্তা বাহিনী ফ্লেগ মাৰ্চো কৰে ।
অৰ্ধসামৰিক বাহিনীয়ে নুহৰ নালহাদৰ শিৱ মন্দিৰত আৱদ্ধ লোকসকলক উদ্ধাৰ কৰে । জানিব পৰা মতে হিংসাৰ পাচত ১ হাজাৰৰো অধিক লোক মন্দিৰটোত আৱদ্ধ হৈ আছিল । লোকসকলৰ ভিতৰত অধিকাংশই মহিলা আছিল বুলি জানিব পৰা গৈছে । ইয়াৰ উপৰিও, আন কিছুমান ঠাইত আৱদ্ধ লোকসকলক উদ্ধাৰৰ প্ৰচেষ্টা চলি আছে ।
