নেশ্যনেল ডেস্ক,২৯ মাৰ্চ: পিত্তাশয়ৰ সমস্যাত ভূগি আছে এন চি পি নেতা শৰদ পাৱাৰ । পেটৰ বিষত আক্ৰান্ত হোৱাৰ পিছতে এন চি পি নেতা শৰদ পাৱাৰক মুম্বাইৰ ব্ৰীছ কেণ্ডি হাস্পতাললৈ লৈ যোৱা হয় । মহাৰাষ্ট্ৰৰ মন্ত্ৰী নৱাব মালিকে প্ৰকাশ কৰা মতে, ৮০ বছৰীয়া নেতাগৰাকীৰ স্বাস্থ্যৰ অৱস্থাৰ বুজ লোৱাৰ পিছতে চিকিৎসকে ডায়েগ্ন'ছিছ কৰাৰ পৰামৰ্শ দিয়ে ।
ডায়েগ্ন'ছিছত পোহৰলৈ আহে যে পিত্তাশয়ৰ সমস্যাত ভূগিছে নেতাগৰাকী । দলৰ এগৰাকী শীৰ্ষ নেতাই জনোৱা মতে, চলিত সপ্তাহৰ শেষৰ ফালে পাৱাৰক চিকিৎসালয়ত ভৰ্তি কৰোৱাই অস্ত্ৰোপচাৰ সম্পন্ন কৰা হ'ব ।
আনহাতে, অস্ত্ৰোপচাৰ সম্পন্ন কৰাৰ পূৰ্বে এণ্ড্ৰ'ছকপি কৰা হ'ব । পূৰ্বে নিৰ্ধাৰিত শৰদ পাৱাৰৰ সকলো অনুষ্ঠান বাতিল কৰা হৈছে বুলি জনাইছে মন্ত্ৰী নৱাব মালিকে ।
লগতে পঢ়ক:কৰ্ণাটকত পথ দুৰ্ঘটনাত থিতাতে নিহত ২
