নেশ্যনেল ডেস্ক,২০ এপ্ৰিল: দেশৰ চাৰিওফালে কৰ'ণাৰ সংহাৰী ৰূপ । প্ৰতিদিনে কৰ'ণাত মৃত্যু বহু লোকৰ । ইয়াৰ মাজতে চৰ্চা লাভ কৰিছে মহাৰাষ্ট্ৰৰ এজন মুছলমান যুৱকে । কৰ'ণাৰ বিভীষিকাৰ মাজতো ধৰ্ম-বৈষম্যৰ কথা পাহৰি মানৱীয়তাৰ উৎকৃষ্ট নিদৰ্শন দাঙি ধৰিলে নাগপুৰৰ খাৰ্বি অঞ্চলৰ যুৱকজনে ।
কৰ'ণা সংক্ৰমণৰ ভয়ত আত্মীয়ই এগৰাকী ব্যক্তিৰ মৃতদেহ চাবলৈ অস্বীকাৰ কৰিছিল ৷ সেই ব্যক্তিগৰাকীৰ মৃতদেহ সৎকাৰ কৰিলে মুছলমান যুৱকজনে । জানিব পৰা মতে, খাৰ্বি অঞ্চলৰ বাসিন্দা শ্ৰীৰাম বেলখোডে হৃদৰোগত আক্ৰান্ত হৈ মৃত্যু হৈছিল । কিন্তু আত্মীয়সকলে কৰ'ণাত মৃত্যু হোৱাৰ সন্দেহ কৰে ।
বেলখোডেৰ মৃতদেহৰ ওচৰত কেৱল পত্নী, পুত্ৰ আৰু এগৰাকী কন্যা আছিল । কৰ'ণাৰ ভয়ত বেলখোডেক শেষ শ্ৰদ্ধা জনাবলৈ আৰু বাকী আত্মীয়সকলে মৃতদেহ চাবলৈ অস্বীকাৰ কৰিছিল । পুৱা ১১ বজাৰ পৰা বিয়লি ৪ বজালৈ তেনেদৰেই পৰি আছিল মৃতদেহটো ।
কিন্তু চলমান ৰফিক নামৰ মুছলমান যুৱকজন আগুৱাই আহে আৰু মৃতদেহ সৎকাৰৰ বাবে সাজু হয় । তেওঁক সহায়ৰ বাবে মছজিদৰ পৰা বন্ধু কেইজনমানকো ৰফিকে মাতিছিল । মুছলমান হিচাপে অন্ত্যেষ্টিক্ৰিয়াৰ হিন্দু ৰীতি-নীতিৰ বিষয়া নজনাৰ পিছতো বিভিন্নজনৰ প্ৰশংসাৰ পাত্ৰ হৈছে ৰফিক ।
বেলখোডেৰ ধৰ্মক সন্মান জনাই ৰফিকে তেওঁৰ হিন্দু বন্ধুক মাতি ৰীতি-নীতি শিকিছিল আৰু ইয়াক সম্পাদন কৰিছিল । হিন্দু ৰীতি-নীতি অনুসৰি, মৃতদেহটোৰ দিঘোৰী সমাধিক্ষেত্ৰত শেষকৃত্য সম্পন্ন হৈছিল । ৰফিকে শ্মশানৰ সকলো খৰচো বহন কৰিছিল । ৰফিক এজন শিৱ সৈনিক আৰু যুৱসেনাৰ কাৰ্যালয়-বাহক হিচাপে কাম কৰি আছে ।
