নেশ্যনেল ডেস্ক, 6 জুলাই: মুম্বাইৰ নাছিকত হত্যাকাণ্ডৰ ঘটনা সংঘটিত হৈছে ৷ আফগানিস্তানৰ বাসিন্দা চুফী বাবা খ্যাত মুছলমান সম্প্ৰদায়ৰ ধৰ্মীয় নেতা খাজা চৈয়দ চিষ্টিক (Khwaja Sayyad Chishti Murder) মঙলবাৰে নাছিক জিলাৰ ইয়োলাত চাৰি দুৰ্বৃত্তই গুলীয়াই হত্যা কৰে (Muslim spiritual guru shot dead)৷
মহাৰাষ্ট্ৰৰ নাছিক জিলাৰ ইয়োলা চহৰত আফগানিস্তানৰ বাসিন্দা আছিল ৩৫ বছৰীয়া মুছলমান সম্প্ৰদায়ৰ ধৰ্মীয় নেতাজন ৷ সন্ধিয়া সময়ত ইয়োলা চহৰৰ এমআইডিচি অঞ্চলত দুৰ্বৃত্তৰ দলটোৱে গুলীয়াই হত্যা কৰে নেতাগৰাকীক ৷
আৰক্ষীয়ে জনায় যে হত্যাকাৰীৰৰ দলটোৱে বাবাক হত্যা কৰি তেওঁ ব্যৱহাৰ কৰা এছ ইউ ভি বাহনখন লৈ পলায়ন কৰে ৷ আৰক্ষীয়ে এই ঘটনাৰ লগত তেওঁৰ বাহনৰ চালকজন জড়িত থকাৰ সন্দেহ কৰিছে ৷
ইতিমধ্যে খাজাৰ হত্যাৰ বিৰুদ্ধে গোচৰ ৰুজু কৰা হৈছে ৷ আৰক্ষীয়ে হত্যাকাৰীৰ সন্ধানত তদন্ত অব্যাহত ৰাখিছে ৷ এই হত্যাকাণ্ডাৰ হাৰত কোনো ধৰ্মীয় উদ্দেশ্য থকাৰ সন্দেহ প্ৰকাশ কৰিছে আৰক্ষীয়ে ৷
লগতে পঢ়ক : কাশ্মীৰত পিতৃ-মাতৃৰ আহ্বানত সন্ত্ৰাসবাদীৰ আত্মসমৰ্পণ
