নেশ্যনেল ডেস্ক,20 ডিচেম্বৰ : শনিবাৰে অনুষ্ঠিত হোৱা 2020 বৰ্ষৰ মিছ ট্ৰান্সকুইন ইণ্ডিয়া প্ৰতিযোগিতাত বিজেতা ৰূপে ঘোষিত হৈছে শ্বাইন চোনীৰ নাম ৷
পেচাত এগৰাকী ফেশ্বন ডিজাইনাৰ শ্বাইন চোনীয়ে আগন্তুক বৰ্ষত থাইলেণ্ডত অনুষ্ঠিত হ’বলগীয়া মিছ ইণ্টাৰনেশ্যনেল কুইন প্ৰতিযোগিতাত প্ৰতিনিধিত্ব কৰিব ৷
ফেশ্বন উদ্যোগ ক্ষেত্ৰখনত এক জনপ্ৰিয় নাম হৈছে শ্বাইন চোনী ৷ আগলৈ তেওঁ ট্ৰান্সওমেনসকলৰ সৱলীকৰণৰ হকে কাম কৰি যাব ৷ মিছ ট্ৰান্সকুইন ইণ্ডিয়াৰ খিতাপ অৰ্জন কৰাৰ পাচত এইদৰে মন্তব্য আগবঢ়ায় শ্বাইন চোনীয়ে ৷
উল্লেখ্য যে, চলিত বৰ্ষত চতুৰ্থবাৰৰ বাবে এই মিছ ট্ৰান্সকুইন ইণ্ডিয়া প্ৰতিযোগিতা অনুষ্ঠিত কৰা হৈছে ৷ তৃতীয় লিংগসকলৰ ভাৱনাক উৎসাহ যোগোৱাৰ বাবে এই প্ৰতিযোগিতা অনুষ্ঠিত কৰা হয় ৷
লগতে পঢ়ক : জম্মু-কাশ্মীৰত স্বাস্থ্য আৰু টেলিমেডিচিনৰ বাবে আঁচনি আৰম্ভ কৰিব মোদীয়ে
