নেশ্যলেল ডেস্ক, ২৩ জুন : কেন্দ্ৰীয় গৃহমন্ত্ৰী অমিত শ্বাহে শনিবাৰে আহ্বান কৰিছে এক সৰ্বদলীয় বৈঠক ৷ এই বৈঠকত মণিপুৰৰ হিংসাত্মক পৰিস্থিতি সন্দৰ্ভত আলোচনা কৰা হ’ব ৷ গৃহ মন্ত্ৰালয়ৰ পৰা অহা এক বিবৃতিত প্ৰকাশ পাইছে তথ্য । বিগত মাহত শ্বাহে ৰাজ্যখন ভ্ৰমণ কৰি মেইটেই আৰু কুকি দুয়োটা সম্প্ৰদায়ৰ প্ৰতিনিধিৰ সৈতে কেইবাবাৰো বৈঠকত মিলিত হৈছিল ৷ তথ্য অনুসৰি, এই হিংসাত্মক ঘটনাত ১১৫ জন লোকৰ মৃত্যু হোৱা বুলি জানিব পৰা গৈছে ৷ লগতে প্ৰায় ৪০,০০০ লোকক স্থানান্তৰো হৈছিল ৷
কেন্দ্ৰীয় গৃহমন্ত্ৰী অমিত শ্বাহে আয়োজন কৰা এই বৈঠকৰ সন্দৰ্ভত ইটিভি ভাৰতৰ সৈতে হোৱা এক সাক্ষাৎকাৰত সাহিত্যিক তথা শিক্ষাবিদ প্ৰদীপ ফাঞ্জুবামে কেতবোৰ মন্তব্য প্ৰদান কৰে ৷ তেওঁ কয় যে এই সভাই মণিপুৰৰ আগন্তুক পৰিস্থিতি নিৰ্ধাৰণ কৰিব ৷
লগতে তেওঁ কয়, "কিন্তু মই নাভাবো যে ইয়াৰ তাৎক্ষণিক সমাধান হ'ব পাৰে । অৱশ্যে সভাত অংশগ্ৰহণকাৰীসকলে ভাল পৰিকল্পনাৰ লৈ আহিব লাগে’’ । তেওঁ আৰু কয় যে বৰ্তমানৰ সংকটে ৰাজ্যখনৰ বহু সম্প্ৰদায়ৰ মাজত বিশেষকৈ ইয়াৰ তিনিটা প্ৰধান জনগোষ্ঠী - নগা, কুকি আৰু মেইটেইৰ মাজৰ সম্পৰ্কৰ অধিক জটিলৰ ফালে গতি কৰিছে ৷
হিংসাত্মক ঘটনাৰ পাচতে ক্ৰমাৎ বেয়াৰ ফালে গতি কৰে ৰাজ্যখনৰ সামগ্ৰিক পৰিস্থিতি ৷ ফলত লাখ লাখ লোকে নিজৰ আপোনখন এৰি নিৰাপদ স্থানলৈ স্থানান্তৰ কৰা হয় ৷ আনকি ৰাজ্যখনৰ বিভিন্ন স্থানত সান্ধ্য আইন জাৰি কৰাৰ লগতে কৰ্তন কৰা হয় ইণ্টাৰনেট সেৱা ৷ বৰ্তমানো ৰাজ্যখনৰ বহু স্থানত ইণ্টাৰনেট সেৱা বন্ধ কৰি ৰখা হৈছে ৷
মণিপুৰৰ জাতিগত হিংসাৰ তদন্তৰ দায়িত্ব লোৱাৰ সময়তে কেন্দ্ৰীয় তদন্তকাৰী সংস্থা অৰ্থাৎ CBI এ যোৱা ৯ জুনত First Information Report পঞ্জীয়ন কৰি বিশেষ তদন্তকাৰী দল (SIT) গঠন কৰে ৷ এই SIT ৰ দ্বাৰা সংঘৰ্ষৰ আঁৰৰ সকলো বিষয় পুংখানুপংখভাৱে আলোচনা কৰে ৷
ইয়াৰ উপৰিও গুৱাহাটী উচ্চ ন্যায়ালয়ৰ প্ৰাক্তন মুখ্য ন্যায়াধীশ অজয় লাম্বাৰ নেতৃত্বত তিনিজনীয়া তদন্ত আয়োগ গঠন কৰি হিংসাত্মক ঘটনাৰ সৈতে জড়িত সকলো বিষয় নিজৰ নিৰীক্ষণত ৰাখে ৷ আনকি ভাৰতীয় প্ৰশাসনিক সেৱাৰ অৱসৰপ্ৰাপ্ত বিষয়া হিমাংশু শেখৰ দাস আৰু ভাৰতীয় আৰক্ষী সেৱাৰ অৱসৰপ্ৰাপ্ত বিষয়া আলোকা প্ৰভাকৰে উক্ত তিনিজনীয়া তদন্ত আয়োগক ছমাহৰ ভিতৰত প্ৰতিবেদন দাখিল কৰিবলৈ নিৰ্দেশ দিয়ে ৷
আনহাতে, লেখক তথা বিবিচিৰ প্ৰাক্তন সাংবাদিক সুবীৰ ভৌমিকে কয়, ‘‘২৪ জুনৰ বৈঠকত কেন্দ্ৰই কি সিদ্ধান্ত লয় তাৰ ওপৰত সকলো নিৰ্ভৰ কৰিব ৷ এই ক্ষেত্ৰত দিল্লী আৰু মণিপুৰ চৰকাৰে সকলো বিচাৰ বিবেচনা কৰা উচিত’’ ৷’ চিপিএমৰ প্ৰাক্তন সাংসদ তথা কেন্দ্ৰীয় সমিতিৰ সদস্য হান্নান মোল্লাই কয়, "মণিপুৰত বিজেপি চৰকাৰ আছে । বিজেপি চৰকাৰ থকাৰ স্বত্বেও আনকি কেন্দ্ৰই এই পৰিস্থিতি নিয়ন্ত্ৰণ কৰিবলৈ সক্ষম নহ’ল’’ ।
তেওঁ আৰু কয়, ‘‘প্ৰধানমন্ত্ৰীগৰাকীৰ অনুপস্থিতিত এই সৰ্বদলীয় বৈঠকৰ আহ্বান কৰা হৈছে ৷ প্ৰধানমন্ত্ৰীৰ অনুপস্থিতিত এই বৈঠকৰ পৰা কেনেকৈ এটা ফলাফল আশা কৰিব পাৰি ?"
লগতে পঢ়ক : Manipur Violence : সাক্ষাৎ নকৰাকৈয়ে আমেৰিকালৈ ৰাওনা প্ৰধানমন্ত্ৰী; হতাশ মণিপুৰৰ বিৰোধী নেতৃবৰ্গ
