নেশ্যনেল ডেস্ক, ২৯ ডিচেম্বৰ : জম্মু আৰু কাশ্মীৰত সন্ত্ৰাসবাদ নিৰ্মূলৰ বাবে বিভিন্ন ব্যৱস্থা গ্ৰহণ কৰাৰ দাবী কৰি আহিছে চৰকাৰ তথা প্ৰশাসনে । কিন্তু তাৰ পাচতো অঞ্চলটোত সন্ত্ৰাসবাদীৰ আক্ৰমণ হ্ৰাস হোৱা নাই । ২০২৩ চনত তেনে কেইবাটাও ঘটনা সংঘটিত হৈছে । বছৰটোত কেন্দ্ৰীয় শাসিত অঞ্চলৰ অৰণ্য আৰু সুউচ্চ অঞ্চলবোৰত সংঘটিত হোৱা বেছিভাগ সংঘৰ্ষ আৰু আক্ৰমণৰ ফলত প্ৰায় ১৩৪ গৰাকী লোক হতাহত হয় ।
তাৰ ভিতৰত ৮৭ টা সন্ত্ৰাসবাদী, ৩৩ গৰাকী সুৰক্ষা বাহিনীৰ জোৱান আৰু ১২ গৰাকী সাধাৰণ নাগৰিক । ৩৩ গৰাকী সশস্ত্ৰ সৈনিকৰ ভিতৰত ২৬ গৰাকী সন্ত্ৰাসবাদ সম্পৰ্কীয় ঘটনাত নিহত হৈছে ।
২০২৩ চনত জম্মু-কাশ্মীৰত হোৱা গুৰুত্বপূৰ্ণ সন্ত্ৰাসবাদী সম্পৰ্কীয় ঘটনাসমূহ :
এপ্ৰিল ২০, ২০২৩ (ভাট্টা ডুৰিয়ান)
পুঞ্চ জিলাৰ মেন্ধাৰ তহচিলৰ ভাট্টা ডুৰিয়ানত ভীম্ৰ গালি আৰু পুঞ্চৰ মাজত সংঘটিত এক আক্ৰমণত ৰাষ্ট্ৰীয় ৰাইফলছৰ ৫ গৰাকী জোৱান ক্ৰমে মনদীপ সিং, কুলৱন্ত সিং, হৰকৃষ্ণ সিং, সেৱক সিং আৰু দেবাশীষ বিশ্বাল শ্বহীদ হয় আৰু আন এজন আহত হয় । এক চৰকাৰী বিবৃতি অনুসৰি প্ৰতিকূল বতৰত যাত্ৰা কৰি থকা এখন সেনাৰ বাহনত সন্ত্ৰাসবাদীয়ে গুলীচালনা কৰিছিল ।
- " class="align-text-top noRightClick twitterSection" data="">
মে' ৫, ২০২৩ (কেশৰী পাহাৰ অৰণ্য)
অচিনাক্ত সন্ত্ৰাসবাদীয়ে জম্মু-কাশ্মীৰৰ ৰাজৌৰী জিলাৰ কান্দি অঞ্চলৰ কেশৰী পাহাৰৰ বনাঞ্চলত ৰিম'ট কণ্ট্ৰোল ব্যৱহাৰেৰে এটা আইইডি বিস্ফোৰণ কৰে । য'ত ৫ গৰাকী জোৱান শ্বহীদ হয় । তাৰে ৪ গৰাকী ৯ পেৰা (বিশেষ বাহিনী)ৰ কমাণ্ডো আছিল আৰু এগৰাকী সেনাৰ ৰাষ্ট্ৰীয় ৰাইফলছৰ জোৱান আছিল । শ্বহীদ জোৱানসকল আছিল সিদ্ধান্ত চেত্ৰী, প্ৰমোদ নেগী, ৰুচিন সিং ৰাৱট, অৰবিন্দ কুমাৰ আৰু নীলম সিং ।
আগষ্ট ৪, ২০২৩ (হাল্লান অৰণ্য)
৩৪ ৰাষ্ট্ৰীয় ৰাইফলছৰ ৩ গৰাকী জোৱান ক্ৰমে হাবিলদাৰ বাবুলাল হৰিতৱাল, চিগনেলমেন ভালা মহিলাপালসিংহ প্ৰবীণসিংহ আৰু ৰাইফলমেন ৱাছিম চাৰৱাৰ দক্ষিণ কাশ্মীৰৰ কুলগাম জিলাৰ হাল্লান বনাঞ্চলত সন্ত্ৰাসবাদীৰ সংঘৰ্ষত শ্বহীদ হৈছিল ।
ছেপ্টেম্বৰ ১৩, ২০২৩ (গাদুল অৰণ্য)
জম্মু-কাশ্মীৰৰ অনন্তনাগ জিলাৰ গাদুল অৰণ্যত সন্ত্ৰাসবাদীৰ সৈতে হোৱা সংঘৰ্ষত ৫ গৰাকী জোৱান শ্বহীদ হয় । তেওঁলোক হৈছে সেনাৰ কৰ্ণেল আৰু মেজৰ আৰু জে এণ্ড কে আৰক্ষীৰ এগৰাকী ডিৱাইএছপিসহ ৩ জন বিষয়া । ১৯ ছেপ্টেম্বৰত জম্মু-কাশ্মীৰ আৰক্ষীৰ উপ-অধীক্ষক হুমায়ুন মুজামিল ভাট, কৰ্ণেল মনপ্ৰীত সিং, মেজৰ আশীষ ধোনচাক, চিপাহী প্ৰদীপ সিং আৰু চিপাহী চালভিন্দৰ কুমাৰৰ মৃত্যুৰ সৈতে অঞ্চলটোৰ তৃতীয় দীৰ্ঘতম সংঘৰ্ষৰ সমাপ্তি ঘটে । ৬ দিনীয়া সংঘৰ্ষৰ সময়ত লস্কৰ-ই-তৈবাৰ কমাণ্ডাৰ উজাইৰ বছিৰ খানকে ধৰি কমেও দুটা সন্ত্ৰাসবাদী নিহত হয় ।
নৱেম্বৰ ২২, ২০২৩ (গুলবাগ বন)
জম্মু-কাশ্মীৰৰ ৰাজৌৰী জিলাৰ গুলবাগ বনাঞ্চলত নিৰাপত্তাৰক্ষী আৰু সন্ত্ৰাসবাদীৰ মাজৰ সংঘৰ্ষত ৪ গৰাকী সেনা জোৱান শ্বহীদ হয় ।
ডিচেম্বৰ ২১, ২০২৩ (ডেৰা কি গালি)
জম্মু-কাশ্মীৰৰ সীমান্তৱৰ্তী ৰাজৌৰী-পুঞ্চ জিলাত সন্ত্ৰাসবাদীয়ে ডেৰা কি গালি (ডিকেজি)ৰ মাজেৰে গৈ থকা দুখন সেনাৰ বাহনত আক্ৰমণ কৰে । ফলত ৪ গৰাকী সেনা জোৱান শ্বহীদ হয় আৰু আন তিনিগৰাকী আহত হয় । নিহত জোৱানসকল বীৰেন্দ্ৰ সিং, চন্দন কুমাৰ, কৰণ কুমাৰ আৰু গৌতম কুমাৰ বুলি চিনাক্ত কৰে । পুঞ্চ জিলাৰ বুফলিয়াজ অঞ্চলত সন্ত্ৰাসবাদীৰ আক্ৰমণৰ এদিন পিচত তিনিজন লোকক মৃত অৱস্থাত পোৱা গৈছিল ।
লগতে পঢ়ক : ভাৰতীয় নৌসেনাৰ প্ৰাক্তন ৮ বিষয়াৰ মৃত্যুদণ্ডৰ ৰায় প্ৰত্যাহাৰ কৰিলে কাটাৰ আদালতে
