নিউজ ডেস্ক,29 জানুৱাৰী: মহাৰাষ্ট্ৰৰ মুখ্যমন্ত্ৰী উদ্ধৱ ঠাকৰেয়ে ২৬ মাৰ্চৰ পৰা নাচিকত অনুষ্ঠিত হ'বলগীয়া ৯৪ তম অখিল ভাৰতীয় মাৰাঠী সাহিত্য সন্মীলন খনৰ বাবে ৫০ লাখ টকাৰ অনুদান দিয়াৰ কথা ঘোষণা কৰিছে । শুকুৰবাৰে মুখ্যমন্ত্ৰী কাৰ্যালয়ৰ পৰা প্ৰকাশ হোৱা এটা বিবৃতিত উল্লেখ কৰা হৈছে এই কথা ।
শুকুৰবাৰে মুখ্যমন্ত্ৰী উদ্ধৱ ঠাকৰেৰ কাৰ্যালয়ৰ পৰা জাৰি কৰা এক বিবৃতি অনুসৰি, এই বাৰ্ষিক সাহিত্য সভাখন গোখলে শিক্ষা ট্ৰাষ্ট চৌহদত অনুষ্ঠিত হ'ব ৷ প্ৰবীণ বিজ্ঞান লেখক আৰু বিশ্লেষক জয়ন্ত নাৰ্লিকাৰক উক্ত সন্মিলন খনৰ সভাপতি হিচাপে নিযুক্ত কৰা হৈছে ।
এই সন্মিলন খন যাতে সকলোৱে COVID-19 ৰ প্ৰট'কল অনুসৰণ কৰি অনুষ্ঠিত কৰে তাৰ বাবে সকলোকে জনালে আহ্বান । লগতে সমগ্ৰে দেশে COVID-19 মহামাৰীৰ সৈতে যুঁজি থকা এবছৰৰ পিছত ৰাজ্যত পৰিস্থিতি ক্ৰমান্বয়ে উন্নত হৈছে বুলি মুখ্যমন্ত্ৰী গৰাকীৰ বিবৃতিটোত প্ৰকাশ কৰিছে ।
লগতে পঢ়ক- ত্ৰিপুৰাত বন্যহস্তীৰ আক্ৰমণত নিহত মহিলা
