মাঘ বিহু-মকৰ সংক্ৰান্তি-পংগালৰ শুভেচ্ছা মুখ্যমন্ত্ৰী যোগী আদিত্যনাথৰ

মকৰ সংক্ৰান্তি উপলক্ষে মুখ্যমন্ত্ৰী যোগী আদিত্যনাথে বৃহস্পতিবাৰে পুৱাই ভগৱানৰ আশিস ল'বলৈ গোৰখনাথ মন্দিৰত উপস্থিত হয় ৷ মুখ্যমন্ত্ৰী গৰাকীয়ে সকলোকে মন্দিৰ প্ৰাংগণৰ পৰাই মকৰ সংক্ৰান্তিৰ শুভেচ্ছা জ্ঞাপন কৰে ৷

নেশ্যনেল ডেস্ক, 14 জানুৱাৰী : উত্তৰ প্ৰদেশৰ মুখ্যমন্ত্ৰী যোগী আদিত্যনাথে বৃহস্পতিবাৰে পুৱাই মকৰ সংক্ৰান্তি উপলক্ষে গোৰখনাথ মন্দিৰত ভগৱানৰ আশিস লয় ৷

আদিত্যনাথে ভগৱানৰ আশিস লৈ সকলোকে মকৰ সংক্ৰান্তিৰ শুভেচ্ছা জ্ঞাপন কৰে ৷ আদিত্যনাথে কয় যে, ''মই সকলোকে মকৰ সংক্ৰান্তিৰ শুভেচ্ছা জ্ঞাপন কৰিলো, এই উৎসৱ সমগ্ৰ দেশতে পালন কৰা হয় ৷ ঠাইভেদে ইয়াৰ নাম পৃথক-পৃথক ৷ দক্ষিণ ভাৰতত ইয়াক পঞ্জাৱত পংগাল-লোহৰী বুলি কোৱা হয় আৰু অসমত ইয়াক বিহু বুলি কোৱা হয়'' ৷

মুখ্যমন্ত্ৰী গৰাকীয়ে ইয়াৰ লগতে কয় যে, সূৰ্য আৰু ঈশ্বৰৰ বাবে উৎসৰ্গিত এই উৎসৱত ভক্তসকলে নদীত স্নান কৰে আৰু সূৰ্য দেৱতাক প্ৰাৰ্থনা কৰে । আনকি গোৰখনাথ মন্দিৰত ভগৱানৰ আশিষ ল'বলৈ প্ৰতিবছৰে বহু লোকৰ আগমণ ঘটে আৰু মকৰ সংক্ৰান্তিৰ সময়ত উক্ত স্থানত স্নান কৰিবলৈ বহু ভক্তৰ আগমণ ঘটে বুলি মন্তব্য কৰে আদিত্যনাথে ৷

ইয়াৰ লগতে মুখ্যমন্ত্ৰী গৰাকীয়ে ক'ভিড-১৯ৰ সুৰক্ষা প্ৰট'কল সকলোকে অনুসৰণ কৰিবলৈ উল্লেখ কৰে ৷ বৰ্তমান প্ৰধানমন্ত্ৰী নৰেন্দ্ৰ মোদীৰ তত্বাৱধানত সমগ্ৰ দেশতে কৰ'ণা ভাইৰাছ ৰোগৰ বিৰুদ্ধে টিকাকৰণ অভিযান আৰম্ভ কৰাৰ বাবে সাজু হৈছে বুলি মন্তব্য কৰে ।

আনহাতে,16 জানুৱাৰীৰ পৰা এই ভেকচিন প্ৰদানৰ প্ৰক্ৰিয়া আৰম্ভ হ'ব বুলি মন্তব্য কৰে মুখ্যমন্ত্ৰী গৰাকীয়ে ৷ ৰাজ্যৰ ক'ভিড-১৯ৰ ঘটনাবোৰ দ্ৰুতগতিত হ্ৰাস পাইছে কিন্তু মই সকলোকে সাৱধানতা অনুসৰণ কৰি মুখা আৰু সামাজিক দূৰত্ব মানি চলিবলৈ অনুৰোধ জনাও বুলি উল্লেখ কৰে উত্তৰ প্ৰদেশৰ মুখ্যমন্ত্ৰী গৰাকীয়ে ৷

অন্য এক খবৰৰ বাবে: নেপালত প্ৰতিবাদ কৰি আৰক্ষীৰ ৰোষত পৰিল প্ৰতিবাদকাৰী