নিউজ ডেস্ক, ৭ মাৰ্চ: কৰ্তব্যৰত অৱস্থাত মৃত্যু শ্ৰমিকৰ । অট্টালিকাৰ নিৰ্মাণকাৰ্য চলি থকাৰ সময়তে অট্টালিকাৰ পৰা পৰি মৃত্যু হয় শ্ৰমিকৰ । ঘটনা অনুসৰি, দক্ষিণ দিল্লীৰ হউজ খাছত এটা অট্টালিকাৰ নিৰ্মাকাৰ্য চলি থকাৰ সময়তে ১৮ বছৰীয়া ইন্দ্ৰজিত নামৰ শ্ৰমিকজনৰ ঘটনাস্থলীত মৃত্যু হয় আৰু সন্তোষ (২২) নামৰ আনজন শ্ৰমিক গুৰুতৰভাৱে আহত হয় । দুয়োগৰাকী শ্ৰমিক সুৰা সেৱন কৰি কাম কৰি থকাৰ সময়তে তৃতীয় মহলাৰ বেলকনিৰ পৰা তললৈ পৰি এই অঘটনতো ঘটে ।
ঘটনা সন্দৰ্ভত আৰক্ষীয়ে জনোৱা মতে, দুয়োজন শ্ৰমিক উত্তৰ প্ৰদেশৰ গোৰখপুৰ জিলাৰ । সন্তোষৰ অৱস্থা সংকটজনক বুলি জানিব পৰা গৈছে । ইতিমধ্যে ইন্দ্ৰজিতৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰা হৈছে ।
