নেচনেল ডেস্ক,১৭, জুলাই: এতিয়া শ্বহীদৰ ত্য়াগক লৈও চলিছে বোকা ছটিওৱাৰ ৰাজনীতি। এইবাৰ শ্বহীদ ভগত সিঙক লৈ পঞ্জাৱৰ এজন সাংসদে কৰা আপত্তিজনক মন্তব্য়ৰ পাছত প্ৰতিক্ৰিয়াৰ সৃষ্টি হৈছে । শেহতীয়াকৈ কৰ্ণালত শিৰোমণি অকালি দলৰ (অমৃতসৰ) সভাপতি তথা পঞ্জাৱৰ চাংৰুৰৰ সাংসদ চিমৰণজিৎ মানে শ্বহীদ ভগত সিঙক সন্ত্ৰাসবাদী বুলি আখ্য়া দিয়াৰ পাছত প্ৰতিক্ৰিয়া প্ৰকাশ কৰিছে কবি কুমাৰ বিশ্বাসে (Punjab MP Simranjit Mann)। কুমাৰ বিশ্বাসে চিমৰণজিৎ মানৰ বক্তব্যত টুইট কৰি কয়,'শ্বহীদ-ই-আজম ভগত সিং আমি লজ্জিত। সম্ভৱতঃ আমি স্বাৰ্থপৰ লোকসকল আপোনাৰ ত্যাগৰ যোগ্য নহয়। স্ফুলিংগ জ্বলি আছে, জুই বিয়পি আছে(Poet Kumar Biswas tweeted)। সকলোৱে তেওঁলোকৰ লোভ আৰু ভয়ত নীৰৱ হৈ আছে। যেতিয়া মই সতৰ্ক কৰি দিছিলো মানুহে মোক হাঁহিছিল । এই পৰিস্থিতিটো সাধাৰণ ৰাইজে যি ভাবি আছে তাতকৈ আৰু অধিক হ'ব।'
উল্লেখ্য় যে শিৰোমণি অকালি দলৰ (অমৃতসৰ) সভাপতি চিমৰণজিৎ মান ক চাংৰুৰে শেহতীয়াকৈ কৰ্ণালত ভগত সিং এজন সন্ত্ৰাসবাদী আছিল বুলি মন্তব্য় কৰিছিল । মানে ভগত সিঙে নিৰীহ লোকসকলক হত্যা কৰিছিল বুলি উল্লেখ কৰি পুনৰ কয় যে ভগত সিঙে বিধানসভাত এটা বোমা নিক্ষেপ কৰিছিল । সেই কাৰণে তেওঁ এজন সন্ত্ৰাসবাদী ।
ইপিনে,পঞ্জাৱত বিশ্বাসৰ বিৰুদ্ধে এটা গোচৰ ৰুজু কৰা হৈছে। তেওঁৰ বিৰুদ্ধে আম আদমী পাৰ্টিৰ মুৰব্বী অৰবিন্দ কেজৰিৱালক খালিস্তানৰ সমৰ্থক বুলি আখ্য়া দিয়াৰ অভিযোগ উত্থাপিত হৈছিল । অৱশ্যে পঞ্জাৱ আৰু হাৰিয়ানা উচ্চ ন্যায়ালয়ে সকাহ দিয়াত তেওঁ গ্ৰেপ্তাৰৰ পৰা ৰক্ষা পাইছে ।
লগতে পঢ়ক:90 year old woman revisits Pakistan: শৈশৱৰ স্মৃতি বিচাৰি পাকিস্তানলৈ ৰাওনা ৯০ বছৰীয়া আইতা
