নেশ্যনেল ডেস্ক, 21 ডিচেম্বৰ : সুৰা কেলেংকাৰীৰ অভিযোগত ইডিয়ে জেৰাৰ বাবে চমন কৰিছিল দিল্লীৰ মুখ্যমন্ত্ৰী অৰবিন্দ কেজৰিৱালক ৷ তাৰ পাচতে ইডিয়ে জাৰি কৰা চমনৰ উত্তৰ প্ৰেৰণ কৰিছে দিল্লীৰ মুখ্যমন্ত্ৰীগৰাকীয়ে ।
দিল্লীৰ মুখ্যমন্ত্ৰীগৰাকীয়ে ইডিয়ে জাৰি কৰা এই চমনক অবৈধ বুলি উল্লেখ কৰে ৷ লগতে ইয়াক ৰাজনৈতিক উদ্দেশ্যপ্ৰণোদিত বুলি তেওঁ অভিহিত কৰে । আনকি তেওঁ প্ৰতিটো আইনী চমন গ্ৰহণ কৰিবলৈ সাজু হৈ আছে বুলিও উল্লেখ কৰে । ইফালে অৰবিন্দ কেজৰিৱালৰ আইনী দলে তেওঁক ইডিয়ে প্ৰেৰণ কৰা চমন প্ৰত্যাহাৰ কৰিব লাগে বুলি কৈছে উল্লেখ কৰিছে ।
জানিব পৰা মতে, সুৰা কেলেংকাৰিৰ গোচৰত ইডিয়ে সোধ-পোছৰ বাবে প্ৰেৰণ কৰা দ্বিতীয়টো চমনতো মুখ্যমন্ত্ৰী অৰবিন্দ কেজৰিৱাল হাজিৰ হোৱা নাছিল । পূৰ্ব নিৰ্ধাৰিত সময়সূচী অনুসৰি বুধবাৰে তেওঁ 10 দিনৰ বাবে বিপাসনাৰ বাবে গৈছিল। সোমবাৰে ইডিয়ে পুনৰ মুখ্যমন্ত্ৰী অৰবিন্দ কেজৰিৱালক 21 ডিচেম্বৰত দিল্লী চৰকাৰৰ কথিত সুৰা কেলেংকাৰিৰ সোধ-পোছৰ বাবে চমন কৰিছিল ।
এই গোচৰতেই চিবিআইয়ে চলিত বৰ্ষৰ এপ্ৰিল মাহত অৰবিন্দ কেজৰিৱালক জেৰা কৰিছিল । ইয়াৰ পিচত ইডিয়ে জাননী জাৰি কৰি 2 নৱেম্বৰত প্ৰথমবাৰৰ বাবে কেজৰিৱালক সোধ-পোছৰ বাবে ফোন কৰে । বৰ্তমানলৈকে অৰবিন্দ কেজৰিৱালে হিমাচল, বেংগালুৰু আৰু মহাৰাষ্ট্ৰৰ এখন ঠাইলৈ বিপাসনা সাধনাৰ বাবে গৈ আছে ৷
এইবাৰ তেওঁ পঞ্জাৱৰ হোশিয়াৰপুৰলৈ গৈছে । বিপাসনা সাধনাৰ নিয়ম অনুসৰি আগন্তুক 10 দিনলৈ কেজৰিৱালে কাৰো সংস্পৰ্শত নাথাকিব । তেওঁৰ অনুপস্থিতিত চৰকাৰৰ কাম-কাজ চম্ভালিব মন্ত্ৰী আতিশিয়ে ।
লগতে পঢ়ক : আজি ৰাজ্যসভাত অপৰাধ আইন সম্পৰ্কীয় ৩ বিধেয়কৰ ওপৰত হ'ব আলোচনা
