নিউজ ডেস্ক, ২৮ ফেব্ৰুৱাৰী : ভাৰতীয় মহাকাশ গৱেষণা সংস্থাৰ (Indian Space Research Organisation) মতে, চন্দ্ৰযান-৩ অভিযানৰ (ISRO Chandrayaan 3 mission) বাবে উৎক্ষেপণ বাহনখনৰ ক্ৰায়'জেনিক ওপৰৰ স্তৰত শক্তি প্ৰদান কৰিব পৰা চিই-২০ ক্ৰায়'জেনিক ইঞ্জিনৰ উৰণ গ্ৰহণৰ উষ্ণ পৰীক্ষা (flight acceptance hot test) সফলতাৰে সম্পন্ন কৰা হৈছে । ২৪ ফেব্ৰুৱাৰীত তামিলনাডুৰ মহেন্দ্ৰগিৰিৰ ইছৰো প্ৰপালচন কমপ্লেক্সৰ হাই অল্টিটিউড টেষ্ট ফেচিলিটিত ২৫ ছেকেণ্ডৰ পৰিকল্পিত সময়ৰ বাবে এই পৰীক্ষা সম্পন্ন কৰা হয় বুলি বেংগালুৰুৰ মুখ্য কাৰ্যালয়ৰ ৰাষ্ট্ৰীয় মহাকাশ সংস্থাই প্ৰকাশ কৰিছে ।
সোমবাৰে ইছৰোৰ এক বিবৃতিত কোৱা হৈছে, "পৰীক্ষাৰ সময়ত সকলো প্ৰপালচন মাপকাঠি সন্তোষজনক আৰু ভৱিষ্যদ্বাণী মতে ঘনিষ্ঠভাৱে মিলা দেখা গৈছে ।" ক্ৰায়'জেনিক ইঞ্জিনটো সম্পূৰ্ণৰূপে একত্ৰিত ফ্লাইট ক্ৰায়'জেনিক পৰ্যায়টো উপলব্ধি কৰিবলৈ প্ৰপেলেন্ট টেংক, মঞ্চ গাঁথনি আৰু সংশ্লিষ্ট তৰল ৰেখাৰ সৈতে অধিক একত্ৰিত কৰা হ'ব । ইছৰোৱে এনেদৰে কয় ।
উল্লেখ্য যে চলিত বছৰৰ আৰম্ভণিতে চন্দ্ৰযান-3 লেণ্ডাৰে (Chandrayaan 3 lander) ইউ আৰ ৰাও উপগ্ৰহ কেন্দ্ৰত (U R Rao Satellite Centre) সফলতাৰে ইএমআই/ইএমচি পৰীক্ষা কৰাইছিল । লগতে এইটো উল্লেখ কৰা হয় যে মহাকাশ পৰিৱেশত উপগ্ৰহ উপ-প্ৰণালীৰ কাৰ্যক্ষমতা আৰু প্ৰত্যাশিত বিদ্যুত চুম্বকীয় স্তৰৰ সৈতে সেইবোৰৰ সামঞ্জস্য নিশ্চিত কৰিবলৈ উপগ্ৰহ অভিযানৰ বাবে ইএমআই-ইএমচি (ইলেক্ট্ৰ'-চুম্বকীয় হস্তক্ষেপ/ইলেক্ট্ৰ'-চুম্বকীয় সামঞ্জস্যতা) পৰীক্ষা কৰা হয় (Electro - Magnetic Interference/ Electro - Magnetic Compatibility) । "উপগ্ৰহসমূহৰ উপলব্ধিৰ ক্ষেত্ৰত এই পৰীক্ষাটো এক গুৰুত্বপূৰ্ণ মাইলৰ খুঁটি ।" ইছৰোৱে কয় ।
চন্দ্ৰযান-3 আন্তঃগ্ৰহ অভিযানত (Chandrayaan 3 interplanetary mission) তিনিটা মুখ্য মডিউল আছে : প্ৰপালচন মডিউল (propulsion module), লেণ্ডাৰ মডিউল (lander module) আৰু এটা ৰোভাৰ (rover) । মিছনৰ জটিলতাৰ বাবে মডিউলবোৰৰ মাজত ৰেডিঅ'-ফ্ৰিকুৱেন্সী (radio frequency, RF) যোগাযোগ সংযোগ স্থাপন কৰাৰ কথা বিবেচনা কৰাইছে । চন্দ্ৰযান-3 লেণ্ডাৰ ইএমআই/ইচি পৰীক্ষাৰ সময়ত লঞ্চাৰ সামঞ্জস্যতা, সকলো আৰএফ প্ৰণালীৰ এণ্টেনা পোলাৰাইজেচন, কক্ষীয় আৰু শক্তিচালিত ডিচেণ্ট মিছন পৰ্যায়ৰ বাবে ষ্টেণ্ডএলোন অটো সামঞ্জস্য পৰীক্ষা (standalone auto compatibility tests) আৰু অৱতৰণৰ পিছত মিছন পৰ্যায়ৰ বাবে লেণ্ডাৰ আৰু ৰোভাৰ সামঞ্জ স্যপৰীক্ষা নিশ্চিত কৰা হৈছিল । ইছৰোৱে লগতে কয় ।
চন্দ্ৰযান-3 হৈছে চন্দ্ৰপৃষ্ঠত সুৰক্ষিত অৱতৰণ আৰু ভ্ৰমণৰ ক্ষেত্ৰত এণ্ড-টু-এণ্ড ক্ষমতা প্ৰদৰ্শন কৰাৰ বাবে চন্দ্ৰযান-2-ৰ (Chandrayaan 2) পৰৱৰ্তী অভিযান । ইছৰোৱে অহা জুন মাহত এই অভিযানটো আৰম্ভ কৰাৰ পৰিকল্পনা কৰিছে । ইয়াক শ্ৰীহৰিকোটাৰ (অন্ধ্ৰ প্ৰদেশ) সতীশ ধৱন মহাকাশ কেন্দ্ৰৰ পৰা উৎক্ষেপণ বাহন মাৰ্ক 3-ৰ (LVM3) দ্বাৰা উৎক্ষেপণ কৰা হ'ব (Satish Dhawan Space Centre in Sriharikota) । প্ৰপালচন মডিউলটোৱে লেণ্ডাৰ আৰু ৰোভাৰ কনফিগাৰেচন ১০০ কিলোমিটাৰ চন্দ্ৰ কক্ষপথলৈকে কঢ়িয়াই নিব ।
লগতে পঢ়ক :National Science Day 2023: কিয় আজিৰ দিনটোতে সমগ্ৰ দেশতে বিজ্ঞান দিৱস উদযাপন কৰা হয়
