নেশ্যনেল ডেস্ক, 5 ছেপ্তেম্বৰ : ধৰ্মীয় পৰ্যটন প্ৰচাৰৰ উদ্দেশ্যে Indian Railways Catering and Tourism Corporation (IRCTC) লিমিটেডে মুকলি কৰিছে শ্ৰীৰামায়ণ যাত্ৰা নামেৰে এখন ডিউলেক্স বাতানুকুল ৰে’ল ৷ ভাৰত চৰকাৰৰ ‘দেখো অপনা দেশ’ পদক্ষেপৰ অধীনত মুকলি কৰা হৈছে এই বিশেষ ৰে’লখন ৷ পূৰ্বতে এই ৰে’লখন কেৱল Sleeper class ৰ সুবিধা আছিল ৷
7 ছেপ্তেম্বৰত দিল্লীৰ সফদৰজংগ ৰে’ল ষ্টেচনৰ পৰা এই যাত্ৰা আৰম্ভ হ’ব ৷ ৰে’লখনে যাত্ৰাৰ সময়ছোৱাত ভগৱান শ্ৰীৰামৰ সৈতে জড়িত সকলো মুখ্য স্থানসমূহক সামৰি ল’ব ৷ এই যাত্ৰা মুঠ 17 দিন ধৰি চলিব ৷ যাত্ৰাৰ প্ৰথমাৰ্ধত ভক্তসকলক অযোধ্যা ভ্ৰমণ কৰোৱা হ’ব য’ত তেওঁলকক ৰাম ৰ জন্মভূমি মন্দিৰ, হনুমান মন্দিৰ আৰু নন্দিগ্ৰামস্থিত ভাৰত মাতা মন্দিৰৰ দৰ্শন কৰোৱা হ’ব ৷
অযোধ্যাৰ পিছত যাত্ৰীসকলক বিহাৰৰ সীতামাৰীলৈ নিয়া হ’ব ৷ তাত তেওঁলোকক সীতা দেৱীৰ জন্মস্থান, স্থলপথেৰে জনকপুৰৰ ৰাম-জানকী মন্দিৰৰ দৰ্শন কৰোৱা হ’ব ৷
লগতে পঢ়ক : ক্ৰীড়াৰ মাধ্যমেৰে ড্ৰাগছৰ বিৰুদ্ধে যুঁজাৰ লক্ষ্য ত্ৰিপুৰাৰ নতুন ক্ৰীড়া মন্ত্ৰীৰ
সীতামাৰীৰ পিছত ৰে’লখন উপস্থিত হ’ব বেনাৰসত ৷ বেনাৰৰ বিভিন্ন মন্দিৰ, প্ৰয়াগ, শ্ৰীঙৱেৰপুৰ আৰু চিত্ৰকূট দৰ্শন কৰোৱা হ’ব ৷ প্ৰয়াগ, চিত্ৰকূট, প্ৰয়াগত নৈশ যাপনৰ ব্যৱস্থা কৰা হৈছে ৷ ইয়াৰ পিছত ৰে’লখনৰ পৰৱৰ্তী গন্তব্যস্থান হ’ব নাচিক ৷ নাচিকত যাত্ৰীসকলক ত্ৰম্বকেশ্বৰ মন্দিৰ আৰু পঞ্চৱতী দৰ্শন কৰোৱা হ’ব ৷ ইয়াৰ পৰা তেওঁলোকক হাম্পিলৈ নিয়া হ’ব, যাক পূৰ্বৰ কিস্কিন্ধা নগৰ বুলিও কোৱা হয় ৷
তাত হনুমানৰ জন্মস্থানৰ মন্দিৰ আৰু অন্যান্য ধৰ্মীয় আৰু ঐতিহ্যক্ষেত্ৰসমূহৰ দৰ্শন কৰোৱা হ’ব ৷ ৰে’লখনৰ শেষ স্থান হ’ব ৰামেশ্বৰম ৷ আমোদজনকভাৱে, ডিলাক্স এচি টুৰিষ্ট ট্ৰেইনত দুখন সূক্ষ্ম ডাইনিং ৰেষ্টুৰেণ্ট, এটা আধুনিক পাকঘৰ, ডবাত শ্বাৱাৰ কিউবিকল, চেন্সৰ-আধাৰিত ৱাছৰুম ফাংচন, ফুট মাচাজাকে ধৰি বহুতো আশ্চৰ্যকৰ বৈশিষ্ট্য আছে ।
সম্পূৰ্ণ শীত-তাপ নিয়ন্ত্ৰিত ৰে’লখনে দুই প্ৰকাৰৰ বাসস্থান প্ৰদান কৰে যেনে প্ৰথম এচি আৰু দ্বিতীয় এচি । ৰে’লখনত প্ৰতিটো ডবাৰ বাবে চিচিটিভি কেমেৰা আৰু নিৰাপত্তা ৰক্ষীৰ সুৰক্ষা বৈশিষ্ট্য বৃদ্ধি পাইছে ।
এই বিশেষ ৰে’লখনত সমগ্ৰ ভ্ৰমণৰ মূল্য হৈছে প্ৰতিজন ব্যক্তিৰ বাবে 2 এচিৰ বাবে 82,950/- টকা আৰু 1এচি শ্ৰেণীৰ বাবে 1,02,095/- টকা ।
এই ডিলাক্স পৰ্যটক ৰে’লখনত ক’ভিড 19-ৰ পিছত সুৰক্ষা ব্যৱস্থা নিশ্চিত কৰিবলৈ, 18 বছৰ বা তাতকৈ অধিক বয়সৰ অতিথিসকলৰ বাবে সম্পূৰ্ণ টীকাকৰণ বাধ্যতামূলক । ইয়াৰ উপৰিও আইআৰচিটিচিয়ে ফেচশ্বীল্ড, হাতমোজা আৰু চেনিটাইজাৰ থকা এক সুৰক্ষা কীট সকলো পৰ্যটকক প্ৰদান কৰিব ।
লগতে পঢ়ক : কেৰালাত নিপা ভাইৰাছত আক্ৰান্ত কিশোৰৰ মৃত্যু
