নেশ্যনেল ডেস্ক, ২৩ নৱেম্বৰ : দেশত ক'ভিড 19 ৰ সংক্ৰমণ নিম্নগামী হৈছে । যোৱা ২৪ ঘণ্টাত ভাৰতত ৭,৫৭৯ গৰাকী লোক নতুনকৈ ক'ভিড 19 ত আক্ৰান্ত হৈছে (7579 person tested covid possitive in last 24 hours) । কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰালয়ে মঙলবাৰে প্ৰকাশ কৰা তথ্য অনুসৰি যোৱা ৫৩৮ দিনৰ ভিতৰত দৈনিক আক্ৰান্তৰ সংখ্যা আটাইতকৈ কম হৈছে ।
একে সময়তে ২৩৬ গৰাকী লোক কৰ'ণাত আক্ৰান্ত হৈ মৃত্যুমুখত পৰিছে (236 person died of covid)। ইয়াৰ লগে লগে সমগ্ৰ দেশতে মৃত্যুৰ সংখ্যা ৪,৬৬,১৪৭ লৈ বৃদ্ধি পাইছে । যোৱা ২৪ ঘণ্টাত ১২,২০২ গৰাকী ৰোগী আৰোগ্য হোৱাৰ ফলত ইয়াৰ সংখ্যা ৩,৩৯,৪৬,৭৪৯ লৈ বৃদ্ধি হৈছে ।
- " class="align-text-top noRightClick twitterSection" data="">
সম্প্ৰতি ভাৰতত আৰোগ্যৰ হাৰ হৈছে ৯৮.৩২ শতাংশ (India's recovery rate 98.32)। এই সংখ্যা যোৱা ২০২০ চনৰ মাৰ্চৰ পাছত সৰ্বাধিক । দেশত সক্ৰিয় কৰ'ণা ৰোগীৰ সংখ্যা হৈছে ১,১৩,৫৮৪ গৰাকী । বৰ্তমান দেশৰ সক্ৰিয় ঘটনাবোৰ মুঠ আক্ৰান্তৰ সংখ্যাৰ মাত্ৰ ০.৩৩ শতাংশ ।
বিগত এটা দিনত সমগ্ৰ দেশতে মুঠ ৭,৮৩,৫৬৩ টা নমুনা পৰীক্ষা কৰা হৈছে । চৰকাৰী তথ্য অনুসৰি দেশত এতিয়ালৈ মুঠ ৬৩.৩৪ কোটি ক'ভিডৰ নমুনা পৰীক্ষা কৰা হৈছে । ইফালে, দেশত সাপ্তাহিক আক্ৰান্তৰ হাৰ (weekly positivity rate of covid) ০.৯৩ শতাংশ আৰু যোৱা ৬০ দিন ধৰি ই ২ শতাংশতকৈও কম হৈ আছে । দৈনিক আক্ৰান্তৰ হাৰ হৈছে ০.৭৯ শতাংশ, যি যোৱা ৫০ দিনৰ ভিতৰত ২ শতাংশৰ তলত আছে ।
সমান্তৰালকৈ দেশত টীকাকৰণ (Covid Vaccination drive in india) অভিযান অব্যাহত আছে । যোৱা ২৪ ঘণ্টাত ভাৰতত ৭১,৯২,১৫৪ গৰাকী লোকে গ্ৰহণ কৰিছে ক'ভিড প্ৰতিষেধকৰ পালি । সোমবাৰে পুৱালৈকে ভাৰতত মুঠ ১১৭.৬৩ কোটি প্ৰতিষেধক প্ৰদান কৰা হৈছে ।
লগতে পঢ়ক: COVID-19 Update: দৈনিক আঢ়ৈ শতাধিককৈ ক'ভিড পজিটিভ
