Covid 19 in India : দেশত যোৱা ২৪ ঘণ্টাত ২৮৯ গৰাকী ক'ৰণা ৰোগীৰ মৃত্যু

দেশত নতুনকৈ ৫,৯২১ গৰাকী লোক ক'ভিডত আক্ৰান্ত হৈছে (India logs 5921 new COVID cases) । যোৱা ২৪ ঘণ্টাত মৃত্যু হৈছে ২৮৯ গৰাকী ৰোগীৰ । দেশত প্ৰায় ১৭৮.৫৫ কোটি প্ৰতিষেধকৰ পালি প্ৰদান কৰা হৈছে ।

নেশ্যনেল ডেস্ক, ৫ মাৰ্চ : দেশত ক'ভিডৰ সংক্ৰমণ অব্যাহত আছে (Covid infection in India)। কেন্দ্ৰীয় স্বাস্থ্য মন্ত্ৰালয়ৰ তথ্য অনুসৰি শুকুৰবাৰৰ দিনটোত নতুনকৈ ৫,৯২১ গৰাকী লোকৰ দেহত ধৰা পৰিছে ভাইৰাছৰ অৱস্থিতি (India logs 5921 new COVID cases) । ইয়াৰ লগে লগে দেশত মুঠ ক'ভিড আক্ৰান্তৰ সংখ্যা ৪ কোটি ২৯ লাখ ৫৭ হাজাৰ ৪৭৭ টালৈ বৃদ্ধি পালে ।

ইফালে যোৱা ২৪ ঘণ্টাত দেশত ২৮৯ গৰাকী ক'ভিড ৰোগীৰ মৃত্যু হৈছে । ইয়াৰ ফলত মৃত্যু হোৱা লোকৰ সংখ্যা ৫,১৪,৮৭৮ লৈ বৃদ্ধি পাইছে । এতিয়াও দেশত ৬৩,৮৭৮ টা সক্ৰিয় ঘটনা আছে । অৱশ্যে পূৰ্বৰ তুলনাত আক্ৰান্তৰ সংখ্যা যথেষ্ট হ্ৰাস পাইছে ।