তেজপুৰ, ৪ মে' : মহামাৰী ক’ভিড 19ৰ এই ভয়ংকৰ সময়চোৱাত ভাৰত চৰকাৰৰ এক প্ৰসংসনীয় পদক্ষেপ ৷ ৰয়েল ভূটানৰ বৈদেশিক মন্ত্ৰী তানদী দৰ্জীয়ে এক তথ্যৰ যোগেৰে ভাৰত চৰকাৰৰ স্বাস্থ্য মন্ত্ৰালয়ৰ তৰফৰ পৰা ক’ভিড সংক্ৰমণ প্ৰতিৰোধৰ বাবে চুবুৰীয়া ৰাষ্ট্ৰ ভূটানলৈ ক’ভিড-19ৰ চিকিৎসা সামগ্ৰী প্ৰেৰণ কৰাৰ কথা জনায় ।
তেওঁ ইতিমধ্যে সামাজিক মাধ্যমৰ যোগেদি ভাৰতৰ ভূটানস্থিত ৰাষ্ট্ৰদূত ৰুচিৰা কম্বোজয়ে মঙলবাৰে বিয়লি ভূটানৰ বৈদেশিক মন্ত্ৰীক 3 টা এক্সৰে মেচিন , এমএআৰএছ 4.2 লিটেক্স ডিআৰ আৰু অতিৰিক্ত 3 টাকৈ ভিশ্যন 100 এম উপহাৰ হিচাপে প্ৰদান কৰে বুলি জানিব দিয়ে । এই অনুষ্ঠানত দুয়োখন ৰাষ্ট্ৰৰ বৈদেশিক আৰু স্বাস্থ্য সচিব উপস্থিত থাকে ।
উল্লেখ্য যে, চুবুৰীয়া ৰাষ্ট্ৰ ভূটানলৈ ভাৰতৰ প্ৰধান মন্ত্ৰীৰ SAARC ৰ 2020 চনৰ 15 মাৰ্চৰ জৰুৰীকালীন নীতি অনুসৰি ক’ভিড 19 মহামাৰীৰৰ প্ৰতিৰোধৰ বাবে পিপিই কিট, ক’ভিড পৰীক্ষা কিট প্ৰেৰণ কৰিছে ।
আনহাতে, চুবুৰীয়া ৰাষ্ট্ৰ ভূটানৰ পৰা ইতিমধ্যে ভাৰতত নাটনি হোৱা অক্সিজেনৰ কেইবাটাও নতুন প্ৰকল্পৰ পুনৰ আৰম্ভ কৰাৰ লগতে ভূটান চৰকাৰে মে’ মাহৰ পৰা দৈনিক 200 অক্সিজেন চিলিণ্ডাৰৰ যোগান ধৰিব বুলি প্ৰতিশ্ৰুতি দিয়ে ।
লগতে পঢ়ক : ইংলেণ্ডৰ অক্সিজেন চিলিণ্ডাৰ কঢ়িয়াই অনা বিমান উপস্থিত চেন্নাইত
