শাৰীৰিক স্বাস্থ্যৰ দৰেই ছালৰ যত্ন লোৱাটোও অতি গুৰুত্বপূৰ্ণ । বয়স বঢ়াৰ লগে লগে আমাৰ ছালৰ পৰা কলাজেনৰ উৎপাদনো কমিবলৈ আৰম্ভ কৰে । ইয়াৰ লগতে ছালৰ পৰা প্ৰাকৃতিক তেল আৰু ইলাষ্টিনও কমিবলৈ আৰম্ভ কৰে । এনে পৰিস্থিতিত আমাৰ ছালখন শুকান হৈ পৰে, যাৰ ফলত মুখত বলিৰেখা আৰু মিহি ৰেখা দেখা দিবলৈ আৰম্ভ কৰে ।
মুখত বয়স বৃদ্ধিৰ লক্ষণ দেখা নিদিবলৈ ছালৰ সৰ্বোচ্চ যত্ন লোৱাটো খুবেই প্ৰয়োজনীয় । সেয়ে এই প্ৰতিবেদনত আমি আপোনালোকক ছালৰ যত্নৰ সৈতে জড়িত কিছুমান গুৰুত্বপূৰ্ণ কথাৰ বিষয়ে উল্লেখ কৰিম ।
মৃদু ক্লিনজাৰ অন্তৰ্ভুক্ত কৰক
ঘৰৰ পৰা ওলাই যোৱাৰ পিছত আমাৰ ছালখনে ৰ’দৰ UV ৰশ্মি, ধূলি আৰু বৰষুণকে ধৰি বহু বস্তুৰ সন্মুখীন হয় । ছালৰ যত্ন ল’বলৈ ৰুটিনত মৃদু ক্লিনজাৰ অন্তৰ্ভুক্ত কৰিব লাগে । ইয়াৰ দ্বাৰা ছালৰ পৰা মলি আৰু ধূলি সহজে পৰিষ্কাৰ হ’ব । কিন্তু মনত ৰাখিব যে মৃদু ক্লিনজাৰটো আপোনাৰ ছালৰ ধৰণৰ হ’ব লাগে ।
ভিটামিন C ক্ৰীম বা ছিৰাম ব্যৱহাৰ কৰক
যদি ব্ৰণৰ সমস্যা আৰু মুখত ক’লা দাগ থাকে তেন্তে মুখত ভিটামিন চি ক্ৰীম বা ছিৰাম লগাব পাৰে । ছিৰামে ছালৰ বয়স বৃদ্ধি ওলোটা কৰি ক’লা দাগ কমোৱাৰ কাম কৰে । পুৱা মুখ ধোৱাৰ পিছতহে মুখত ভিটামিন C ক্ৰীম বা ছিৰাম লগোৱাটো উচিত ।
ছানস্ক্ৰীণ প্ৰয়োগ কৰক
সূৰ্য্যৰ UV ৰশ্মিয়ে আমাৰ ছালত প্ৰত্যক্ষ প্ৰভাৱ পেলায় । যদি আপুনি ৰ’দত ওলাই যায় তেন্তে ছানস্ক্ৰীণ ব্যৱহাৰ কৰক । ছাল বিশেষজ্ঞৰ মতে কমেও ৩০ এছ পি এফ থকা ছানস্ক্ৰীণ ব্যৱহাৰ কৰক ।
স্ক্ৰাব কৰক
মুখৰ মৃত কোষবোৰ আঁতৰাবলৈ পৰিষ্কাৰ কৰাটো প্ৰয়োজনীয় । ইয়াৰ বাবে মুখত স্ক্রাব কৰাটো প্ৰয়োজনীয় । ইয়াৰ ফলত ছালখন উজ্বল দেখা যায় ।
