- ‘মন কী বাত’ৰ 71 নং খণ্ডত দেশবাসীক সম্বোধন কৰিব প্ৰধানমন্ত্ৰী মোদীয়ে
আজি দিনৰ 11 বজাত জনপ্ৰিয় ৰেডিঅ’ অনুষ্ঠান ‘মন কী বাত’ৰ 71 নং খণ্ডত দেশবাসীক সম্বোধন কৰিব প্ৰধানমন্ত্ৰী নৰেন্দ্ৰ মোদীয়ে ৷ দেশৰ শেহতীয়া গুৰুত্বপূৰ্ণ সমস্য়া সন্দৰ্ভত নিজৰ ভাৱধাৰা ব্যক্ত কৰিব প্ৰধানমন্ত্ৰীয়ে ৷ অল ইণ্ডিয়া ৰেডিঅ’ আৰু দূৰদৰ্শনত সম্প্ৰচাৰ হ’ব এই অনুষ্ঠান ৷
- মণিপুৰ পৰিদৰ্শন কৰিব কেন্দ্ৰীয় গৃহমন্ত্ৰী অমিত শ্বাহ
আজি উত্তৰ-পূৱৰ অন্যতম ৰাজ্য় মণিপুৰত উপস্থিত হ’ব গৃহমন্ত্ৰী অমিত শ্বাহ ৷ নগা ৰাজনৈতিক সমস্যা সন্দৰ্ভত অংশীদাৰসকলৰ সৈতে পৰ্যালোচনা কৰিব অমিত শ্বাহে ৷
গৃহমন্ত্ৰীগৰাকী উপস্থিত হোৱাৰ পূৰ্বে ৰাজ্যখনত জাৰী কৰা হৈছে কটকটীয়া নিৰাপত্তা ৷
- ভাৰত-অষ্ট্ৰেলিয়াৰ মাজত দ্বিতীয়খন এদিনীয়া শৃংখলা
আজি চিডনী ক্ৰিকেট গ্ৰাউণ্ডত ভাৰত-অষ্ট্ৰেলিয়াৰ মাজত অনুষ্ঠিত হ’ব দ্বিতীয়খন এদিনীয়া শৃংখলা ৷ প্ৰথমখন এদিনীয়া শৃংখলাত অষ্ট্ৰেলিয়াই ভাৰতক 66 ৰাণত হৰুৱাই 1-0 ছিৰিজত অগ্ৰগতি লাভ কৰি আছে ৷ দ্বিতীয়খন মেচত নিজৰ জয় সুৰক্ষিত কৰিবলৈ আপ্ৰাণ চেষ্টা কৰিব ভাৰতীয় দলে ৷
