নেশ্যনেলডেস্ক,6নৱেম্বৰ: আজিৰ দিনটোৰ কেইটামান বিশেষ ৰাষ্ট্ৰীয় কাৰ্যসূচী-
1-ভাৰত আৰু ইটালীৰ মাজত আজি মোদী- কন্টে শীৰ্ষক বাণিজ্য,পৰিৱেশ,গণমাধ্যম সম্পৰ্কীয় এক চুক্তি স্বাক্ষৰ কৰা হ'ব
শুকুৰবাৰে প্ৰধান মন্ত্ৰী নৰেন্দ্ৰ মোদী আৰু ইটালীৰ প্ৰতিপক্ষ জিউস্পে কন্টিৰ মাজত ভাৰ্চুৱেল দ্বিপাক্ষিক চুক্তি স্বাক্ষৰ কৰাৰ সম্ভাৱনা আছে ৷ ভাৰত আৰু ইটালীৰ বাণিজ্য,পৰিৱেশ,গণমাধ্যম সম্পৰ্কীয় কেতবোৰ বিষয় সামৰি লোৱাৰ সম্ভাৱনা প্ৰকট ৷ 2018 চনৰ অক্টোবৰ মাহত প্ৰধান মন্ত্ৰী আৰু ইটালীৰ প্ৰতিপক্ষ জিউস্পে কন্টিৰ দিল্লী ভ্ৰমণৰ সময়তে চুক্তিৰ কথা উত্থাপিত হৈছিল ৷ 2021 চনৰ 1 জানুৱাৰীত ভাৰত আৰু ইটালী চৌদি আৰৱৰ লগত ট'কিঅৰ G-20ত অংশ গ্ৰহণ কৰিব ৷
2-বৈদেশীক পৰিক্ৰমা বিভাগে আজি ক'ভিড-19 সম্পৰ্কে বৈদেশীক ৰাষ্ট্ৰদূতৰ আগত সংক্ষিপ্ত বিৱৰণ দিব
শুকুৰবাৰে বৈদেশিক পৰিক্ৰমা বিভাগে ক'ভিড-19 সম্পৰ্কে বৈদেশিক ৰাষ্ট্ৰদূতৰ আগত সংক্ষিপ্ত বিৱৰণ দিব ৷ ইয়াৰ আগতেও ক'ভিড-19 সম্পৰ্কে ভাৰতে বৈদেশীক ৰাষ্ট্ৰদূতৰ আগত নিজৰ প্ৰতিক্ৰিয়া প্ৰকাশ কৰিছিল ৷ নেপালৰ দৰে আন চুবুৰীয়া ৰাষ্ট্ৰকো ভাৰতে চিকিৎসাৰ ক্ষেত্ৰত সহায় কৰিছিল ৷
3-শুকুৰবাৰে ভাৰতৰ ৰাডাৰ ইমেজিং উপগ্ৰহ উৎক্ষেপনৰ বাবে আৰম্ভ কৰিব কাউন্টডাউন
শুকুৰবাৰে দেশৰ ৰাডাৰ ইমেজিং উপগ্ৰহ আৰু বিদেশী উপগ্ৰহ বহনকাৰী ভাৰতীয় ৰকেট,পোলাৰ চেটেলাইট লঞ্চ ভেহিকেল-C49 ৰ উৎক্ষেপণৰ বাবে আৰম্ভ কৰিব কাউন্ট ডাউন ৷ ভাৰতীয় মহাকাশ গৱেষণা সংস্থা (ISRO)ৰ 2020 চনৰ এইটোৱেই হ'ব প্ৰথমটো সংস্থাপিত উপগ্ৰহ ৷
