আজিকালি মানুহে বহু ঘন্টা ধৰি মোবাইল বা লেপটপত অবিৰতভাৱে কাম কৰে, যাৰ বাবে চকুৰ সৈতে জড়িত সমস্যাৰ সন্মুখীন হ’বলগীয়া হয় ৷ লেপটপ, মোবাইল, কম্পিউটাৰ আদিৰ স্ক্ৰীণ অতিমাত্ৰা চোৱাৰ বাবে আজিকালি মানুহৰ মাজত চকু শুকান হোৱাৰ সমস্যা বাঢ়িছে ৷ আচলতে আমি যেতিয়া কাম কৰোঁ তেতিয়া চকুৰ পতা বহুদিনলৈ চকু টিপিয়াই নাথাকে আৰু অনবৰতে পৰ্দাখনলৈ চাই থাকোঁ ৷ এনে অৱস্থাত চকুৰ পানী শুকাই যায় ৷ এইদৰে চকুত বিষ, ফুলা আদি বহুতো সমস্যাৰ সৃষ্টি হয় ৷ খাদ্য তালিকাত কিছুমান খাদ্য অন্তৰ্ভুক্ত কৰি চকু দুটা হাইড্ৰেটেড কৰি ৰাখিব পাৰে ৷
চৰ্বিযুক্ত মাছ
ড্ৰাই আই চিনড্ৰমৰ পৰা চকুক ৰক্ষা কৰিবলৈ আপুনি খাদ্য তালিকাত মাছ অন্তৰ্ভুক্ত কৰিব পাৰে ৷ ইয়াত ওমেগা-৩ ফেটি এচিড থাকে, যিয়ে চকুৰ প্ৰদাহ কমায় আৰু চকুক সুস্থ কৰি ৰাখে ৷ চৰ্বিযুক্ত মাছ চকুৰ বাবে এক স্বাস্থ্যকৰ বিকল্প হ’ব পাৰে ৷ ইয়াৰ বাবে আপুনি ছালমন, টুনা, হেৰিং আদি সাগৰীয় মাছ বাছি ল’ব পাৰে ৷
সেউজীয়া শাক-পাচলি
সেউজীয়া শাক-পাচলিত প্ৰচুৰ পৰিমাণে ভিটামিন চি থাকে ৷ চকুক সুস্থ কৰি ৰখাত ই গুৰুত্বপূৰ্ণ ভূমিকা পালন কৰে ৷ ইয়াৰ উপৰিও ইয়াত অধিক পৰিমাণৰ ভিটামিন চি থাকে, যাৰ ফলত চকুৰ সৈতে জড়িত ৰোগ কম হয় ৷ চকুৰ স্বাস্থ্যৰ বাবে কেল(Kale), কলাৰ্ড(Collard Greens), পালেং আদি সেউজীয়া শাক-পাচলি খাদ্য তালিকাত অন্তৰ্ভুক্ত কৰিব পাৰে ৷
বাদাম
পুষ্টিকৰ উপাদানৰে সমৃদ্ধ বাদামে চকু শুকোৱাৰ পৰা ৰক্ষা কৰে ৷ ইয়াত প্ৰচুৰ পৰিমাণে ভিটামিন-ই আৰু ওমেগা-৩ ফেটি এচিড থাকে ৷ যিবোৰে চকুত চকুলো উৎপন্ন কৰে ৷ শুকান চকুৰ পৰা সকাহ পাবলৈ খাদ্যত বাদাম, আখৰোট, কাজু খাব পাৰে ৷
