নিউজ ডেস্ক , ৩ ফেব্ৰুৱাৰী : গুজৰাটৰ আহমেদাবাদত বুধবাৰে পুৱা এক ভয়ংকৰ অগ্নিকাণ্ড সংঘটিত হয় । আহমেদাবাদৰ নাৰণপুৰা অঞ্চলৰ এটা অট্টালিকাত থকা তিনিখনকৈ দোকানত প্ৰথমে জুইৰ সূত্ৰপাত হয় আৰু পৰৱৰ্তী সময়ত অট্টালিকাটোৰ ওপৰৰ দুটা মহলাত থকা আৱাসিক এপাৰ্টমেন্টবোৰ ধোঁৱাই ছানি ধৰে ।
এজন অগ্নি নিৰ্বাপক বিষয়াই জনোৱা মতে ঘটনাস্থলীৰ পৰা আঠজনকৈ লোকক উদ্ধাৰ কৰা হৈছে । তিনিমহলীয়া অট্টালিকাটোৰ তলৰ মহলাত থকা দোকানৰ পৰা জুই সূত্ৰপাত হোৱা বুলি জানিবলৈ বিষয়া গৰাকীয়ে । জুইৰ ফলত দোকান কেইখনৰ বহু সামগ্ৰী নষ্ট হয় যদিও এই ঘটনাত কোনো লোক হতাহত হোৱা নাই ।
অগ্নিকাণ্ডৰ কেইঘন্টামানৰ ভিতৰতে জুই নিৰ্বাপন কৰিবলৈ সক্ষম হয় অগ্নি নিৰ্বাপক বাহিনীয়ে । কিন্তু জুইৰ কাৰণ এতিয়াও জানিব পৰা হোৱা নাই বুলি কয় অগ্নি নিৰ্বাপক বাহিনীৰ বিষয়া গৰাকীয়ে ।
লগতে পঢ়ক :চৰকাৰে নতুনকৈ ক্ৰয় কৰিব ৮৩ খন তেজছ এলচিএ যুজাঁৰু বিমান
