নিউজ ডেস্ক, 5 অক্টোবৰ : মঙলবাৰে ৰেকৰ্ড মূল্যতকৈ হ্ৰাস পালে সোণৰ মূল্য ৷ অক্টোবৰৰ মাল্টি কম’ডিটি এক্সচেঞ্জত (MCX) সোণৰ মূল্য ০.১৯ শতাংশ হ্ৰাস পাইছে । এই অনুসৰি আজিৰ দিনটোত প্ৰতি ১০ গ্ৰাম সোণৰ মূল্য ০.১৯ শতাংশ হ্ৰাস হৈ ৪৬,৭৯৭ টকা হৈছে ।
তদুপৰি আপুনি এতিয়া ঘৰতে বহি কৰিব পাৰে সোণৰ বিশুদ্ধতাৰ পৰীক্ষা ৷ সোণৰ বিশুদ্ধতা পৰীক্ষা কৰিবলৈ চৰকাৰে বি আই এছ কেয়াৰ নামৰ এটা ‘এপ’ৰ সৃষ্টি কৰিছে । এই এপটোত সোণৰ বিশুদ্ধতা পৰীক্ষা কৰাৰ লগতে ইয়াৰ সৈতে সম্পৰ্কিত যিকোনো অভিযোগো দাখিল কৰিব পাৰিব গ্ৰাহকে ।
এপটোত সামগ্ৰীৰ অনুজ্ঞাপত্ৰ, পঞ্জীয়ন আৰু হলমাৰ্ক নম্বৰ অশুদ্ধ বুলি প্ৰমাণিত হ’লে ই গ্ৰাহকক তৎক্ষণাৎ অভিযোগ দাখিল কৰিবলৈ তথ্য প্ৰদান কৰিব । গ্ৰাহকসকলে ইয়াৰ ভিত্তিত লগে লগে অভিযোগ কৰিব পাৰে ৷
সোণৰ সমান্তৰলাকৈ হ্ৰাস পাইছে ৰূপৰ মূল্যও ৷ মঙলবাৰৰ দিনটোত ৰূপৰ মূল্য ০.৪৫ শতাংশ হ্ৰাস হৈ প্ৰতি কিলোগ্ৰামত ৬০,৮৬০ টকা হৈছে ।
লগতে পঢ়ক : অমৃত মহোৎসৱত অংশগ্ৰহণৰ বাবে লক্ষ্ণৌত মোডী
