নেশ্যনেল ডেস্ক, 9 আগষ্ট: দেশৰ ধৰ্ণাঢ্য ব্যৱসায়ী গৌতম আদানীয়ে তেওঁৰ প্ৰতিষ্ঠান আদানি এণ্টাৰপ্ৰাইজেছৰ অংশ বিক্ৰী কৰাৰ সম্ভাৱনা আছে ৷ এই প্ৰক্ৰিয়াৰ সৈতে জড়িত এগৰাকী ব্যক্তিয়ে প্ৰকাশ কৰিছে এই কথা ৷ উৎসৰ পৰা প্ৰাপ্ত তথ্য অনুসৰি আদানি এণ্টাৰপ্ৰাইজেছে (Adani Enterprises) উইলমাৰত ইয়াৰ 44 শতাংশ অংশ বিক্ৰী কৰিব পাৰে ৷ ইয়াৰ লগতে, আদানি এণ্টাৰপ্ৰাইজেছ ছিংগাপুৰৰ যুটীয়া উদ্যোগ উইলমাৰ ইণ্টাৰনেচনেল লিমিটেডৰ (Wilmar International) পৰাও পৃথক হ'ব পাৰে ৷ উইলমাৰ ইণ্টাৰনেশ্যনেলৰ আদানি উইলমাৰত 44 শতাংশ অংশীদাৰীত্ব আছে ৷
উৎস অনুসৰি, আদানি গ্ৰুপে অংশ বিক্ৰী কৰি পুঁজি সংগ্ৰহ কৰিব বিচাৰে ৷ শ্বেয়াৰ বজাৰত আদানি এণ্টাৰপ্ৰাইজেছৰ 44 শতাংশ অংশৰ মূল্য প্ৰায় 2.7 আৰৱ বিলিয়ন ডলাৰ ৷ অৰ্থাৎ, 44 শতাংশ অংশবিক্ৰী কৰি গোটটোৱে 270 কোটি টকাৰ পুঁজি সংগ্ৰহ কৰিব পাৰে ৷
বিষয়টোৰ সৈতে পৰিচিত লোকসকলৰ মতে, গৌতম আদানি আৰু তেওঁৰ পৰিয়ালে তেওঁলোকৰ ব্যক্তিগত ক্ষমতাত কিছু অংশীদাৰী ত্বৰান্বিত কৰিব পাৰে । ছিংগাপুৰত, উইলমাৰ ইণ্টাৰনেশ্যনেলৰ সহ-প্ৰতিষ্ঠাপক কুওক খুন হঙে তেওঁৰ অংশ বিক্ৰী কৰিব নে ৰাখিব সিদ্ধান্ত ল’ব । অৱশ্যে, অংশীদাৰী বিক্ৰীৰ ক্ষেত্ৰত আদানি গ্ৰুপ আৰু উইলমাৰৰ পৰা কোনো আনুষ্ঠানিক বিবৃতি দিয়া হোৱা নাই ।
উল্লেখ্য যে হিণ্ডেনবাৰ্গে এই বছৰৰ আৰম্ভণিতে (24 জানুৱাৰী) আদানি গ্ৰুপৰ ওপৰত এক প্ৰতিবেদন প্ৰকাশ কৰাৰ পিচত গৌতম আদানিৰ বিশাল সাম্ৰাজ্য একপ্ৰকাৰে ধ্বংস হৈ পৰে ৷ আদানি উইলমাৰতো ইয়াৰ প্ৰবাৱ পৰে ৷ কোম্পানীটোৰ শ্বেয়াৰ এবছৰত প্ৰায় 36 শতাংশ হ্ৰাস পাইছে । যাৰ ফলত ইয়াৰ বজাৰ মূল্য 6.2 বিলিয়ন ডলাৰলৈ হ্ৰাস পাইছে । একে সময়তে, আদানি গোটৰ সামগ্ৰিক বজাৰ মূল্যও বৃহৎ পৰিমাণে হ্ৰাস পাইছে ৷
আদানি উইলমাৰ লিমিটেডে 2022 চনত ইয়াৰ আইপিঅ'ৰ জৰিয়তে ভাৰতীয় শ্বেয়াৰ বজাৰত প্ৰৱেশ কৰিছিল আৰু কোম্পানীটোৱে মুঠ 36 বিলিয়ন বা 435 নিযুত ডলাৰ সংগ্ৰহ কৰিছিল । আদানি উইলমাৰে ফৰ্চুন ব্ৰেণ্ডৰ খোৱা তেলৰ দৰে সামগ্ৰী উৎপাদন কৰে ।
