নিউজ ডেস্ক, 20 মে’: কৰ’ণাত আক্ৰান্ত হৈছে প্ৰাক্তন ভাৰতীয় দৌৰবিদ মিলখা সিং ৷ ইতিমধ্যে বিখ্যাত দৌৰবিদগৰাকী চণ্ডীগড়স্থিত নিজ গৃহতে হোম আইচলেচন হৈ আছে ৷
' ফ্লায়িং শিখ' নামেৰে পৰিচিত 91 বৰ্ষীয় জনপ্ৰিয় ভাৰতীয় দৌৰবিদগৰাকীৰ বুধবাৰে নিশা 101 ডিগ্ৰীলৈকে জ্বৰ আছিল ৷ যাৰ পাছতেই তেখেতৰ কৰ’ণা পৰীক্ষা কৰা হয় আৰু কৰ’ণা পৰীক্ষাত তেখেতৰ শৰীৰত কৰ’ণা ভাইৰাছৰ অৱস্থিতি ধৰা পৰে ৷
উল্লেখ্য যে, মিলখা সিঙৰ লগতে তেখেতৰ সম্পূৰ্ণ পৰিয়ালৰো কৰ’ণাৰ পৰীক্ষা কৰোৱা হয় ৷ উক্ত পৰীক্ষাত দৌৰবিদগৰাকীৰ দুজন কৰ্মচাৰীৰ দেহত কৰ’ণাৰ অৱস্থিতি ধৰা পৰে ৷ আনহাতে তেখেতৰ পত্নী, বোৱাৰী আৰু নাতিয়েকৰ কৰ’ণা পৰীক্ষাৰ ফলাফল নিগেটিভ আহে ৷
