Diwali 2023 : গৰুৰ গোবৰৰ পৰা তৈয়াৰ কৰা সামগ্ৰীয়ে বিশেষ কৰি তুলিব দীপাৱলীক

১২ নৱেম্বৰত সমগ্ৰ দেশতে দীপাৱলী উৎসৱ পালন কৰা হ'ব । চিমলাত ইক’ ফ্ৰেণ্ডলী চাকি নিৰ্মাণৰ কাম চলি আছে। ইয়াৰ সমান্তৰালকৈ শ্ৰী কামনা পূৰ্ণ গো-শালাই গৰুৰ গোবৰৰ পৰা আন বহুতো সামগ্ৰীও তৈয়াৰ কৰিছে যিবোৰ মানুহৰ প্ৰথম পছন্দ হৈ পৰিছে ।

নিউজ ডেস্ক, 10 নৱেম্বৰ : 12 নৱেম্বৰত সমগ্ৰ দেশতে পোহৰৰ উৎসৱ দীপাৱলী উলহ-মালহেৰে উদযাপন কৰা হ’ব ৷ দীপাৱলীৰ উছাহ এতিয়া বজাৰবোৰত স্পষ্টকৈ পৰিলক্ষিত হৈছে ৷ বজাৰত বিভিন্ন ধৰণৰ চাকি, লাইট আৰু গৃহ সজ্জাৰ সামগ্ৰী উপলব্ধ হৈছে ৷ যোৱা কেইবছৰমানৰ পৰা গৰুৰ গোবৰৰ পৰা নিৰ্মাণ কৰা চাকিৰ ধাৰাও বৃদ্ধি পাইছে ৷ ক্ৰমবৰ্ধমান নগৰায়নৰ মাজত হিমাচল প্ৰদেশৰ ৰাজধানী চিমলাত এনে বহু সামগ্ৰী গৰুৰ গোবৰৰ পৰা তৈয়াৰ কৰা হৈছে যিয়ে এই দীপাৱলীক বিশেষ কৰি তুলিব ৷

গৰুৰ গোবৰৰ পৰা তৈয়াৰ কৰা শিৱলিংগ

গৰুৰ গোবৰৰ দেৱাল ঘড়ী আৰু গহনা বাকচ-

চিমলাৰ টুটুত অৱস্থিত শ্ৰী কামনা পূৰ্ণ গোশালা সমিতিয়ে গৰুৰ গোবৰৰ পৰা এক আচৰিত বস্তু তৈয়াৰ কৰিছে ৷ যিয়ে যিকোনো ব্যক্তিক আকৰ্ষণ কৰিব পাৰে ৷ এই সামগ্ৰীসমূহৰ ভিতৰত গৰুৰ গোবৰৰ ঘড়ীৰ পৰা আৰম্ভ কৰি গহনাৰ বাকচ আৰু কলম ষ্টেণ্ডলৈকে আছে ৷ বজাৰত প্লাষ্টিকেৰে তৈয়াৰী এনে সামগ্ৰী প্ৰচুৰ পৰিমাণে থাকিলেও গৰুৰ গোবৰেৰে নিৰ্মিত এই সামগ্ৰীসমূহ অতি বিশেষ ৷

গৰুৰ গোবৰৰ পৰা তৈয়াৰ কৰা সামগ্ৰী

গৰুৰ গোবৰেৰে তৈয়াৰী শিৱলিংগ আৰু ডবা খেলৰ সামগ্ৰী-

গৰুৰ গোবৰৰ বহু বিশেষ সামগ্ৰী এই সমিতিৰ দ্বাৰা তৈয়াৰ কৰা হৈছে ৷ গৰুৰ গোবৰৰ শিৱলিংগৰ পৰা আৰম্ভ কৰি ডবা খেলৰ সামগ্ৰী আৰু পাত্ৰলৈকে বিভিন্ন ধৰণৰ বাকচ আৰু দীপাৱলীৰ বাবে সাজ-সজ্জাৰ সামগ্ৰী তৈয়াৰ কৰা হৈছে ৷ এই গোশালাত প্ৰতি বছৰে গৰুৰ গোবৰৰ পৰা তৈয়াৰী সামগ্ৰী তৈয়াৰ কৰা হয় যদিও এইবাৰ বহু নতুন সামগ্ৰী তৈয়াৰ কৰা হৈছে ৷ এইবাৰ কমিটীৰ লক্ষ্য 2 লাখ টকাৰ সামগ্ৰী বিক্ৰী কৰা ৷

গৰুৰ গোবৰৰ পৰা তৈয়াৰ কৰা দেৱাল ঘড়ী