নিউজ ডেস্ক, 9 নৱেম্বৰ : চৰকাৰী তথ্য অনুসৰি,বিহাৰ বিধানসভা নিৰ্বাচন 57.09 শতাংশ ভোটগ্ৰহণ সম্পন্ন হৈছে ৷ ক'ভিড-19 ৰ জটিল পৰিস্থিতৰ মাজতে 2015 চনৰ নিৰ্বাচনৰ তুলনাত ভোটাৰৰ সংখ্যা অধিক বুলিও তথ্যত প্ৰকাশ পাইছে ৷
নিৰ্বাচন আয়োগৰ তথ্য অনুসৰি, 2015 চনত অনুষ্ঠিত বিহাৰ বিধানসভা নিৰ্বাচনত ভোটাৰৰ হাৰ আছিল 56.66 শতাংশ । চলিত বছৰত মহিলা ভোটাৰৰ হাৰ আছিল 59.69 শতাংশ ৷
আনহাতে, প্ৰথম পৰ্যায়ত বিহাৰৰ নিৰ্বাচনত ভোটাৰৰ হাৰ 55.68 শতাংশ,দ্বিতীয় পৰ্য়ায়ত 55.70 শতাংশ একেদৰে তৃতীয় পৰ্যায়ত 60 শতাংশ ভোট গ্ৰহণ সম্পন্ন হৈছে ৷
উল্লেখ্য যে, ক'ভিড-19 ৰ ভয়াবহ পৰিস্থিতি সৃষ্টি হোৱাৰ পিচত বিহাৰৰ নিৰ্বাচনে হৈছে দেশৰ প্ৰথমটো মুখ্য নিৰ্বাচন ৷
লগতে পঢ়ক : অৱশেষত উন্মোচন কৰা হ'ল বিতৰ্কৰ আবৰ্তত সোমাই পৰা জোঙালবলহুৰ মূৰ্তি
