হায়দৰাবাদ বিমানবন্দৰত ৯৪ লাখ টকা মূল্যৰ সোণ জব্দ

সীমা শুল্ক বিভাগে হায়দৰাবাদ বিমানবন্দৰত শনিবাৰে জব্দ কৰে ৯৪ লাখ টকাতকৈ অধিক মূল্যৰ সোণ ৷ এগৰাকী মহিলা যাত্ৰীৰ পৰা নিয়মীয়া তালাচীত জব্দ কৰে বুজন পৰিমানৰ সোণখিনি ৷

হায়দৰাবাদ, 27 ডিচেম্বৰ : শনিবাৰে হায়দৰাবাদ বিমানবন্দৰত সীমা শুল্ক বিভাগে কাষ্টম আইনৰ অধীনত দুই কিলোগ্ৰামতকৈও অধিক সোণ জব্দ কৰে ৷ নিয়মীয়া তালাচীত এগৰাকী মহিলা যাত্ৰীৰ পৰা প্ৰায় ৯৪ লাখ টকাতকৈ অধিক মূল্যৰ সোণ জব্দ কৰে ৷ মহিলা গৰাকীৰ পৰা সোণৰ দণ্ড আৰু বুজন পৰিমানৰ অলংকাৰ জব্দ কৰে সীমা শুল্ক বিভাগে ৷

এক পত্ৰযোগে সীমা শুল্ক বিভাগে প্ৰকাশ কৰা তথ্য মতে, জব্দ কৰা সোণ খিনিৰ ভিতৰত থকা সোণৰ দণ্ডবোৰৰ ওজন আছিল 1,427.63 গ্ৰাম আৰু তাৰ মূল্য প্ৰায় 67.84 লাখ টকা ৷ ইয়াৰ সমান্তৰালভাৱে অলংকাৰখিনিৰ ওজন আছিল 593.55 গ্ৰাম আৰু ইয়াৰ মূল্য 27.2 লাখ টকা আছিল ৷ তালাচীৰ সময়ত ২২ কেৰেটৰ পাঁচ ডাল সোণৰ দণ্ড আৰু গহনা জব্দ কৰা হয় ৷ সম্প্ৰতি সীমা শুল্ক বিভাগে কাষ্টম আইনৰ অধীনত গোচৰ ৰুজু কৰি তদন্ত আৰম্ভ কৰিছে ৷

লগতে পঢ়ক: বায়ুসেনা বিষয়াক আক্ৰমণ কৰা দুৰ্বৃত্তক কৰায়ত্ত