নেশ্যনেল ডেস্ক, 31 জুলাই : সমগ্ৰ দেশজুৰি চাঞ্চল্যৰ সৃষ্টি কৰা মাফিয়া আতিক আহমেদৰ অধিবক্তা বিজয় মিশ্ৰক প্ৰয়াগৰাজ আৰক্ষীয়ে গ্ৰেপ্তাৰ কৰে ৷ ইয়াৰ পিচতে বাহুবলী আতিক আহমেদৰ পলাতক পত্নী শায়েস্তা পাৰবীন আৰু আতিকৰ কনিষ্ঠ ভাতৃ খালিদ আজিম ওৰফে আশ্ৰাফৰ পত্নী জৈনাব ফাতিমাই অচিৰেই আৰক্ষীৰ হাতত ধৰা পৰিব পাৰে । শায়েস্তাৰ মূৰৰ দাম 5 লাখ টকা নিৰ্ধাৰণ কৰি দিছিল আৰক্ষীয়ে ৷
মাফিয়া ভাতৃদ্বয়ৰ পত্নীৰ বাহিৰেও তেওঁৰ পলাতক ভগ্নী আয়েছা নূৰী আৰু শ্বাহীনৰ বিষয়েও সূত্ৰ পোৱা গৈছে । আতিক আহমেদৰ অধিবক্তা বিজয় মিশ্ৰক উমেশ পাল হত্যাকাণ্ডৰ গোচৰত জড়িত থকাৰ অভিযোগত আৰক্ষীয়ে গ্ৰেপ্তাৰ কৰি দেওবাৰে জেললৈ প্ৰেৰণ কৰে । আতিকৰ এই অধিবক্তাজনক জিম্মাত লোৱাৰ সময়তে আৰক্ষীয়ে তেওঁৰ পৰা বহু তথ্য লাভ কৰে ।
অধিবক্তাগৰাকীৰ পৰা পোৱা তথ্যৰ ভিত্তিত আৰক্ষীয়ে 50 হাজাৰ টকাৰ পুৰস্কাৰ প্ৰদানেৰে বিচাৰ-খোচাৰ অব্যাহত ৰখা শায়েস্তা পাৰবীন আৰু তেওঁৰ বায়েক জৈনব ফাতিমা শীঘ্ৰে আৰক্ষীৰ জালত পৰিব পাৰে । একে সময়তে আতিক আহমেদৰ অধিবক্তাক গ্ৰেপ্তাৰ কৰাৰ পিছত দুয়োৰে ফটো ছ’চিয়েল মিডিয়াত ভাইৰেল হ’বলৈ ধৰে ।
মাফিয়া আতিক আহমেদৰ অধিবক্তা বিজয় মিশ্ৰক গ্ৰেপ্তাৰ কৰাৰ পিছত আৰক্ষীৰ জেৰাত বহু গুৰুত্বপূৰ্ণ তথ্য পোহৰলৈ আহিছে । আতিক আহমেদৰ অধিবক্তা বিজয় মিশ্ৰৰ জেৰাৰ সময়ত মাফিয়া আতিক আহমেদৰ ভাতৃ আশ্ৰফ জৈনাব ফাতিমাৰ পলাতক পত্নীৰ বিষয়েও গুৰুত্বপূৰ্ণ তথ্য লাভ কৰা হয় । অধিবক্তাগৰাকীৰ পৰা পোৱা তথ্যৰ ভিত্তিত আৰক্ষীয়ে আতিকৰ পত্নী শায়েস্তা পাৰবীন আৰু আশ্ৰফৰ পত্নী জৈনাব ফাতিমাৰ অৱস্থান বিচাৰি উলিয়াব পাৰে বুলি সন্দেহ কৰা হৈছে ।
যদি আৰক্ষীয়ে আশ্ৰাফ আৰু আতিক আহমেদৰ পত্নীৰ সঠিক স্থানৰ সম্ভেদ লাভ কৰে তেন্তে অতি সোনকালে আৰক্ষীয়ে মাফিয়া ভাতৃদ্বয়ৰ পলাতক পত্নীক কৰায়ত্ত কৰিব পাৰিব ।
উমেশ পালৰ হত্যাকাণ্ডৰ গোচৰত অধিবক্তা বিজয় মিশ্ৰৰ সহযোগিতাৰ তথ্যও আৰক্ষীয়ে লাভ কৰিছে । ইয়াৰ সমান্তৰালকৈ আৰক্ষীয়ে অভিযুক্ত অধিবক্তাৰ বিৰুদ্ধেও যথেষ্ট প্ৰমাণ লাভ কৰিছে । দেওবাৰে অধিবক্তাজনক গ্ৰেপ্তাৰ কৰাৰ সমান্তৰালকৈ আৰক্ষীয়ে ঘণ্টাৰ পিছত ঘণ্টা ধৰি জেৰাও চলাইছিল । জেৰাৰ সময়ত আৰক্ষীয়ে তেওঁৰ পৰা আতিক আহমেদ আৰু আশ্ৰাফৰ পত্নীৰ লগতে তেওঁৰ ভগ্নী আয়েছা নূৰী আৰু শ্বাহীনৰ বিষয়ে তথ্য লাভ কৰে ।
সূত্ৰৰ পৰা লাভ কৰা তথ্য অনুসৰি অধিবক্তা বিজয় মিশ্ৰই আতিক আহমেদ আৰু আশ্ৰাফৰ পত্নীৰ সৈতে যোগাযোগ কৰি আহিছে । আৰক্ষীয়ে মাফিয়াৰ পলাতক ভগ্নী-ভতিজীৰ তথ্য লাভ কৰে ।
লগতে পঢ়ক : Firing in Jaipur Express: চলন্ত ৰে’লত চাৰিজনক গুলিয়াই হত্যা
