নেশ্যনেল ডেস্ক, 5 মে’ : দেশত বিধ্বংসী ক’ভিড ১৯ সংকটৰ মাজতে, ভাৰতীয় বায়ু সেনাই প্ৰায় 180 টা খালী ক্ৰায়'জেনিক অক্সিজেন পাত্ৰ আৰু অন্যান্য সাহাৰ্য সামগ্ৰী যেনে অক্সিজেন চিলিণ্ডাৰ, অক্সিজেন উদ্ভিদৰ সঁজুলি, অত্যাৱশ্যকীয় ঔষধ আৰু চিকিৎসালয়ৰ সঁজুলি পৰিবহন কৰিছে । ভাৰতীয় বায়ু সেনাৰ আৰএএমটি (ৰেপিড একচন মেডিকেল টিম) আৰু ভাৰতীয় নৌসেনাৰ চিকিৎসা বিষয়া আৰু কৰ্মচাৰীসকলে এই সেৱা হাতত লৈছে ।
উল্লেখ্য যে, মুঠ আঠখন চি-17, চাৰিটা আইএল-76, দহখন চি-130, আৰু 20 খন এএন-32 বিমান, লগতে এমআই-17ভি5 আৰু চিনুক হেলিকপ্টাৰ, আইএএফৰ দ্বাৰা নিয়োজিত কৰা হৈছে ৷ মহামাৰী কৰ’ণাৰ এই ভয়ংকৰ সময়ছোৱাত বিগত কেইসপ্তাহমান ধৰি বহুতো চিকিৎসালয়ত অক্সিজেনকে ধৰি চিকিৎসা সামগ্ৰীৰ অভাৱৰ সময়ত ভাৰতীয় বায়ু সেনাৰ এনে পদক্ষেপ শলাগ ল’বলগীয়া ।
কেন্দ্ৰীয় স্বাস্থ্য মন্ত্ৰালয়ে জনোৱা অনুসৰি, মঙলবাৰে দেশখনত প্ৰায় ৩,৫৭,২২৯ ৰোগী নতুন ক’ভিড আক্ৰান্ত চিনাক্ত কৰাৰ লগতে ৩,২০,২৮৯ গৰাকী ৰোগী সুস্থ হয় ৷ ইতিমধ্যে ৩,৪৪৯ গৰাকী ৰোগীৰ মৃত্যুৰ খবৰ পোৱা গৈছে ৷
দেশত মুঠ 2,02,82,833 গৰাকী ক’ভিড ৰোগী থকাৰ লগত এতিয়ালৈ 1,66,13,292 গৰাকী ক’ভিড ৰোগীৰ আৰোগ্য হোৱাৰ খবৰ পোৱা গৈছে । ইয়াত মুঠ ২,২২,৪০৮ গৰাকী ক’ভিড ৰোগী মৃত্যু হোৱাৰ বিপৰিতে দেশত বৰ্তমান 34,47,133 গৰাকীৰ দেহত ক’ভিড 19 সক্ৰিয় হৈ আছে ৷
লগতে পঢ়ক : ভাৰতীয় বায়ুসেনাই স্থাপন কৰিব 100 খন বিচনাযুক্ত ক'ভিড চিকিৎসা কেন্দ্ৰ
