নেশ্যনেল ডেস্ক, ৬ মে': কৰ'ণা সংক্ৰমণে ভয়াৱহ ৰূপ লোৱাৰ মাজতে উত্তৰ প্ৰদেশ চৰকাৰৰ গুৰুত্বপূৰ্ণ ঘোষণা । মিৰাটৰ কাৰাগাৰত বন্দী কয়দীক পেৰলত মুকলি কৰি দিয়াৰ সিদ্ধান্ত লৈছে চৰকাৰে । এই সিদ্ধান্ত অনুসৰি জিলা কাৰাগাৰৰ জ্যেষ্ঠ অধীক্ষক বিডি পাণ্ডেই বুধবাৰে জনোৱা মতে ৰাজ্যখনৰ মিৰাটৰ কাৰাগাৰত থকা প্ৰায় ২৮০ গৰাকী কয়দীক পেৰলত মুকলি কৰি দিয়া হ'ব ।
তেওঁ লগতে কয় যে, কাৰাগাৰ চৌহদ নিয়মীয়াকৈ চেনিটাইজেচন কৰা হৈছে আৰু ৪৫ ৰ পৰা ৬০ বছৰৰ উৰ্দ্ধৰ কয়দীক প্ৰতিষেধক প্ৰদান কৰা হৈছে । ইয়াৰোপৰি ৰোগ প্ৰতিৰোধ ক্ষমতা বৃদ্ধিৰ বাবে কয়দী সকলক বিশেষ কাঢ়া খাবলৈ দিয়া হৈছে ।
ইফালে উত্তৰ প্ৰদেশ হৈছে কৰ'ণাৰ দ্বাৰা আটাইতকৈ বেছি ক্ষতিগ্ৰস্ত ৰাজ্যবোৰৰ ভিতৰত অন্যতম । বুধবাৰে ৩১,১৬৫ টা নতুন ক'ভিড-১৯ৰ ঘটনা পোহৰলৈ আহিছে । এতিয়াও ৰাজ্যখনত সক্ৰিয় ঘটনা আছে ২,৬২,৪৭৪ টা ।
লগতে পঢ়ক:পশ্চিম ত্ৰিপুৰাৰ বিতৰ্কিত জিলা দণ্ডাধীশক দক্ষিণ ত্ৰিপুৰালৈ বদলি
