নিউজ ডেস্ক, ৭ জুন : ২৭৫ জন লোকৰ প্ৰাণ কাঢ়ি নিয়া আৰু ১০০০-ৰো অধিক লোক আহত হোৱা ওড়িশাৰ মৰ্মান্তিক ৰে'ল দুৰ্ঘটনাৰ পিছত (Odisha triple train accident), ক'ৰ'মণ্ডল এক্সপ্ৰেছে বুধবাৰৰ পৰা পুনৰ সেৱা আৰম্ভ কৰিবলৈ আগবাঢ়িছে । "ক'ৰ'মণ্ডল এক্সপ্ৰেছে বুধবাৰৰ পৰা সেৱা পুনৰ আৰম্ভ কৰিবলৈ সাজু (Coromandel Express set to resume services) ।" ৰে'লৱেৰ মুখ্য জন সম্পৰ্কৰক্ষী বিষয়া আদিত্য কুমাৰ চৌধুৰীয়ে এই কথা কয় ।
উল্লেখ্য, ২ জুনত বালাছোৰৰ বাহানাগা ৰে'ল ষ্টেচনৰ ওচৰত শালিমাৰ-চেন্নাই ক'ৰ'মণ্ডেল এক্সপ্ৰেছৰ এখন ৰখি থকা মালবাহী ৰে'লৰ সৈতে হোৱা সংঘৰ্ষৰ ফলত কেইবাটাও ডবা লাইনচ্যুত হয় (Coromandel Express accident in balasore Odisha) । যাৰ ফলত এই দুৰ্ঘটনাটো সংঘটিত হয় । বাহানাগা ৰে'ল ষ্টেচনৰ ওচৰত ক'ৰ'মণ্ডল এক্সপ্ৰেছৰ প্ৰায় ১০-১২ টা ডবা লাইনচ্যুত হৈ অন্য এটা ট্ৰেকত পৰি যায় ।
পৰৱৰ্তী সময়ত উক্ত ট্ৰেকটোৰে যশৱন্তপুৰৰ পৰা হাওৰালৈ যাত্ৰা কৰা তীব্ৰ বেগী হাওৰা এক্সপ্ৰেছখনৰ এই ডবাবোৰৰ সৈতে সংঘৰ্ষ হয় । যাৰ ফলত এই ৰে'লখনো পুনৰ লাইনচ্যুত হয় । ইফালে কেন্দ্ৰীয় ৰে'ল মন্ত্ৰী অশ্বিনী বৈষ্ণৱে দেওবাৰে কয় যে "ইলেক্ট্ৰ'নিক ইণ্টাৰলকিংঙৰ পৰিৱৰ্তন"ৰ ফলত এই দুৰ্ঘটনা সংঘটিত হৈছে ।
উল্লেখ্য যে ইলেক্ট্ৰ'নিক ইণ্টাৰলকিং হৈছে সংকেত সঁজুলিৰ এক ব্যৱস্থা, যিয়ে ট্ৰেকত চলাচলৰ সময়ত দুখন ৰে'লৰ মাজত হ'ব পৰা সংঘৰ্ষ প্ৰতিহত কৰে । এইটো মূলত অনুপযুক্ত ক্ৰমত সংকেত সলনি হোৱা প্ৰতিহত কৰাৰ বাবে এক সুৰক্ষা ব্যৱস্থা । এই প্ৰণালীটোৰ উদ্দেশ্য হ'ল পথটো সুৰক্ষিত প্ৰমাণিত নোহোৱালৈকে কোনো ৰে'ল আগবাঢ়িবলৈ সংকেত নাপায় ।
আনহাতে, সোমবাৰে জিলাখনত যাত্ৰীবাহী ৰে'ল সেৱা পুনৰ আৰম্ভ হোৱাৰ কেইঘণ্টামান পিছত হাওৰা-পুৰী বন্দে ভাৰত এক্সপ্ৰেছ ৰে'লখনে ওড়িশাৰ বালাছোৰত পুনৰ মেৰামতি কৰা ৰে'লপথটো অতিক্ৰম কৰে । ওড়িশাৰ তিনিখন ৰে'লৰ দুৰ্ঘটনাৰ পিছত বালাছোৰত ৰে'ল সেৱা প্ৰভাৱিত হৈছিল । ইফালে দেওবাৰে সন্ধিয়া অশ্বিনী বৈষ্ণৱে (Railway Minister Ashwini Vaishnaw) এখন মালবাহী ৰে'লৰ কৰ্মচাৰীলৈ হাত জোকাৰি সুৰক্ষিত যাত্ৰাৰ বাবে প্ৰাৰ্থনা কৰে । যাৰ দ্বাৰা বালাছোৰত সংঘটিত ৰে'ল দুৰ্ঘটনাৰ ৫১ ঘণ্টাৰ পিছত ৰে'ল সেৱা পুনৰ আৰম্ভ হয় ।
"দুয়োটা ট্ৰেকতে ৰে'ল সেৱা পুনৰ কাৰ্যক্ষম কৰা হৈছে । দুৰ্ঘটনাটোৰ ৫১ ঘণ্টা পিছত এতিয়া দুয়োটা লাইনতে স্বাভাৱিক ৰে'ল সেৱা আৰম্ভ কৰা হৈছে ।" অশ্বিনী বৈষ্ণৱে কয় ।
লগতে পঢ়ক :Wrestlers Protest : মল্লযোদ্ধাসকলক পুনৰ আলোচনাৰ বাবে আমন্ত্ৰণ চৰকাৰৰ: অনুৰাগ ঠাকুৰৰে হ‘ব বৈঠক
