নেশ্যনেল ডেস্ক, 3 ডিচেম্বৰ : "মধ্য প্ৰদেশ, ৰাজস্থান আৰু ছত্তীশগড়ৰ বিধানসভা নিৰ্বাচনত কংগ্ৰেছৰ ফলাফল হতাশজনক ৷ যদিও আমি এই ‘অস্থায়ী বিফলতা’ অতিক্ৰম কৰি I.N.D.I.A. মিত্ৰজোঁটৰ সৈতে লোকসভা নিৰ্বাচনৰ বাবে জোৰদাৰ প্ৰস্তুতি চলাম ৷" দেশৰ চাৰি ৰাজ্যৰ বিধানসভাৰ নিৰ্বাচনৰ ভোটগণনাৰ সন্দৰ্ভত দেওবাৰে কংগ্ৰেছৰ সভাপতি মল্লিকাৰ্জুন খাৰ্গেই এই মন্তব্য প্ৰকাশ কৰে ৷
লগতে খাৰ্গেই X ত এটা পোষ্টযোগে তেলেংগানাবাসীক ধন্যবাদ জ্ঞাপন কৰে ৷ তেওঁ কয় যে, তেলেংগানাত কংগ্ৰেছে বিআৰএছক ক্ষমতাৰ পৰা উৎখাত কৰি চৰকাৰ গঠন কৰিবলৈ আগবাঢ়িছে। দলটোৱে এই চাৰিওখন ৰাজ্যতে একেদৰেই প্ৰচাৰ চলাইছিল ৷ এই প্ৰচাৰ সহায় সহযোগিতা আগবঢ়োৱা লাখ লাখ কংগ্ৰেছ কৰ্মীৰ প্ৰচেষ্টাক কৃতজ্ঞতা জ্ঞাপন কৰে খাৰ্গেই ৷
"আমি তেলেংগানাবাসীক এই জনাদেশৰ বাবে ধন্যবাদ জনাইছো । ছত্তীশগড়, মধ্য প্ৰদেশ আৰু ৰাজস্থানত আমাক ভোট দিয়া সকলো ভোটাৰক মই ধন্যবাদ জনাইছোঁ। এই তিনিখন ৰাজ্যত আমাৰ ফলাফল নিঃসন্দেহে হতাশাজনক আছিল ৷ কিন্তু পৰৱৰ্তী সময়ত আমি দৃঢ়তাৰে এই তিনিখন ৰাজ্যত পুনৰ আমাৰ ক্ষমতা ঘূৰাই আনিম ৷" খাৰ্গেই কৰ্মীসকলক হতাশ হ’বলৈ নিদি এইদৰে আশ্বাস প্ৰদান কৰে ৷
উল্লেখ্য যে আজি পুৱাৰে পৰা চলি থকা চাৰিখন ৰাজ্যৰ ভোটগণনাত কংগ্ৰেছৰ দুৰ্গ ৰাজস্থান আৰু ছত্তীশগড়ৰ পৰা কংগ্ৰেছক উৎখাত কৰি বিজেপি দলে চৰকাৰ গঠনৰ দিশে আগবাঢ়িছে ৷ আনহাতে মধ্য প্ৰদেশত বৃহৎ ব্যৱধানত কংগ্ৰেছক পৰাভূত কৰি বিজেপি আগবাঢ়ি আছে ৷
ইফালে সমাগত লোকসভা নিৰ্বাচন ৷ লোকসভা নিৰ্বাচনৰ পূৰ্বে এই চাৰি ৰাজ্যৰ এই বিধানসভা নিৰ্বাচনক ছেমি ফাইনেল হিচাপে কিছুৱে অভিহিত কৰিছিল ৷ কিন্তু ছেমি ফাইনেলতে কংগ্ৰেছৰ এই মুখ থেকেছাই বিজেপিক নিশ্চিতভাৱে শক্তিশালী কৰি তুলিছে ৷
-
I thank the people of Telangana for the mandate we have received from them.
— Mallikarjun Kharge (@kharge) December 3, 2023 " class="align-text-top noRightClick twitterSection" data="
I also thank all those who voted for us in Chhattisgarh, Madhya Pradesh and Rajasthan. Our performance in these three states have no doubt been disappointing, but with determination, we reaffirm our…
">I thank the people of Telangana for the mandate we have received from them.
— Mallikarjun Kharge (@kharge) December 3, 2023
I also thank all those who voted for us in Chhattisgarh, Madhya Pradesh and Rajasthan. Our performance in these three states have no doubt been disappointing, but with determination, we reaffirm our…I thank the people of Telangana for the mandate we have received from them.
— Mallikarjun Kharge (@kharge) December 3, 2023
I also thank all those who voted for us in Chhattisgarh, Madhya Pradesh and Rajasthan. Our performance in these three states have no doubt been disappointing, but with determination, we reaffirm our…
আনহাতে কংগ্ৰেছকে ধৰি কেইবাটাও বিৰোধী দলে 2024 চনৰ লোকসভা নিৰ্বাচনত ঐক্যবদ্ধভাৱে বিজেপিৰ সৈতে মোকাবিলা কৰিবলৈ ভাৰতীয় ৰাষ্ট্ৰীয় উন্নয়নমূলক অন্তৰ্ভুক্ত মিত্ৰজোঁট (I.N.D.I.A.) গঠন কৰিছে । এতিয়া সময়েহে ক’ব পুনৰ ক্ষমতালৈ আহিবলৈ সক্ষম হ’বনে কংগ্ৰেছ ?
লগতে পঢ়ক: হিন্দীবলয়ত সম্পূৰ্ণৰূপে উৎখাত হ’ল কংগ্ৰেছ !
