Kejriwal slames BJP: আপ চৰকাৰৰ কাম বন্ধ কৰাৰ বাবেহে গ্ৰেপ্তাৰ কৰা হৈছে দুই মন্ত্ৰীক; কেজৰিৱাল

বুধবাৰে সন্ধিয়া মুখ্যমন্ত্ৰী অৰবিন্দ কেজৰিৱালে দিল্লীৰ পৰিৱৰ্তিত ৰাজনৈতিক পৰিস্থিতি সন্দৰ্ভত আপৰ বিধায়ক আৰু কাউন্সিলাৰৰ সৈতে এক জৰুৰী বৈঠকত মিলিত হয় । ইয়াৰ মাজতে চিছোদিয়া আৰু সত্যেন্দৰ জৈনক গ্ৰেপ্তাৰৰ বিৰুদ্ধে দুৱাৰে দুৱাৰে প্ৰচাৰ চলোৱাৰ সিদ্ধান্ত লোৱা হয় । লগতে কোৱা হয় যে, সৌৰভ ভৰদ্বাজ আৰু আতিশীক দুয়োৰে পৰিৱৰ্তে মন্ত্ৰীসভাত অন্তৰ্ভুক্ত কৰা হ’ব (CM Kejriwal holds emergency meeting)।

নিউজ ডেস্ক, 1 মাৰ্চ: বুধবাৰে দিল্লীৰ মুখ্যমন্ত্ৰী অৰবিন্দ কেজৰিৱালে নিজৰ বাসগৃহত বিধায়ক আৰু পৌৰ নিগমৰ কাউন্সিলাৰসকলৰ সৈতে বৈঠকত মিলিত হয় । ইয়াৰ পিচত সংবাদ মাধ্যমক সম্বোধন কৰি বিজেপি আৰু প্ৰধানমন্ত্ৰী নৰেন্দ্ৰ মোদীক তীব্ৰ সমালোচনা কৰে কেজৰিৱালে । মনীষ চিছোদিয়া আৰু সত্যেন্দৰ জৈনক গ্ৰেপ্তাৰ কৰাতো আম আদমী পাৰ্টি চৰকাৰৰ কাম বন্ধ কৰাৰ বাবেহে কৰা হৈছে বুলি কয় দিল্লীৰ মুখ্যমন্ত্ৰীগৰাকীয়ে । ‘‘শিক্ষা আৰু স্বাস্থ্যৰ ক্ষেত্ৰত এই দুয়োজনে কৰা কামৰ বিষয়ে বিশ্বত চৰ্চিত হৈছে । প্ৰধানমন্ত্ৰীয়ে এই কাম হোৱাটো নিবিচাৰে । তেওঁলোকৰ গ্ৰেপ্তাৰ কেৱল দিল্লী চৰকাৰৰ কাম বন্ধ হ’ব লাগে বাবেই হৈছে’’ বুলি তেওঁ মত প্ৰকাশ কৰে (CM Kejriwal holds emergency meeting)।

কেজৰিৱালে কয় যে, মোদীৰ চিন্তাধাৰা ভুল, কাৰণ আম আদমী পাৰ্টি ধুমুহা । এসময়ত ইন্দিৰা গান্ধীয়ে অধিক ক্ষমতা প্ৰদৰ্শন কৰিছিল, আজি প্ৰধানমন্ত্ৰীয়ে বেছি ক্ষমতা প্ৰদৰ্শন কৰিছে ৷ যেতিয়া এনে কাম বেছি হয়, তেতিয়া প্ৰকৃতিয়ে নিজৰ কাম কৰে । ওপৰৱালাৰ ঝাড়ুৱে কাম কৰিব আৰু আম আদমি পাৰ্টিৰ কাম দুগুণ বেগেৰে আগুৱাব । তেওঁ লগতে কয় যে, বিধায়ক আৰু কাউন্সিলাৰৰ সৈতে হোৱা বৈঠকত সিদ্ধান্ত লোৱা হৈছে যে, 5 মাৰ্চৰ পৰা সকলো বিধায়ক, কাউন্সিলাৰ আৰু মন্ত্ৰীয়ে দিল্লীৰ ঘৰে ঘৰে গৈ মানুহৰ লগত যোগাযোগ কৰি মনীষ চিছোদিয়া আৰু সত্যেন্দৰ জৈনক গ্ৰেপ্তাৰ কৰাৰ সত্য কথা ক’ব (Manish Sisodiya arrested) ।

তেওঁ আৰু কয়, ‘‘আমি শিক্ষা আৰু স্বাস্থ্যৰ ক্ষেত্ৰত ভাল কাম কৰি দুয়োটাকে অন্তৰ্ভুক্ত কৰাটো কোনো কাকতলীয় কথা নহয় । দুয়োকে জেলত ভৰাইছে প্ৰধানমন্ত্ৰীয়ে । দিল্লীতো ভাল কাম চলি থাকিব । আগতে আমি ৮০ স্পীডত কাম কৰিছিলো, এতিয়া ১০০ স্পীডত কাম কৰিম । আমি দুয়োজন মন্ত্ৰীকে সলনি কৰিলোঁ । আমি আতিশী আৰু সৌৰভ ভৰদ্বাজক মন্ত্ৰীসভাত স্থান দিছো (New education minister of Delhi)। দুয়োজনেই পেছাদাৰী । ভাল মানুহ আছে, চিছোদিয়া আৰু সত্যেন্দৰ জৈন দুয়োজনেই ভাল কাম কৰি আছিল, দুয়ো একে গতিৰে কৰিব । আজি যদি মনীষ চিছোদিয়াই বিজেপিত যোগদান কৰে তেন্তে কাইলৈ ​​তেওঁক মুকলি কৰি দিয়া নহ’ব । সত্যেন্দৰ জৈনে বিজেপিত যোগদান কৰিলে সকলো গোচৰ শেষ হৈ যাব আৰু তেওঁ জেলৰ পৰা ওলাই আহিব । দুৰ্নীতি একেবাৰেই ইছ্যু নহয়, কাম বন্ধ কৰাটোৱেই বিষয় ।’’

বিজেপিক আক্ৰমণ কৰি কেজৰিৱালে কয় যে, তেওঁলোকে আম আদমী পাৰ্টিক বাধা দিব বিচাৰে । ‘‘মই বিজেপি ৰাইজক ক’ব বিচাৰিছো যে আপৰ সময় আৰম্ভ হৈছে । সভাত ব্যাপক চৰ্চা হৈছে । সুৰা কেলেংকাৰী কি, ই অতি জটিল । সাধাৰণ মানুহে বুজি নাপায় । এই লোকসকলে অভিযোগ কৰিছে যে, চিছোদিয়াই টকাখিনি খাইছিল । মনীষ চিছোদিয়াৰ ঘৰত অভিযান চলায় । দেৱাল ভাঙি পেলালে । টকাখিনি লুকুৱাই ৰখা হ’লে ১০০ কোটি খোৱা ব্যক্তিজনৰ ঘৰত সিঁচৰতি হৈ থকা ১০ কোটি বা ২ কোটি টকা পালেহেঁতেন । চিছোদিয়াৰ ঘৰৰ লকাৰত একো পোৱা নগ’ল ।’’ কেজিৱালে কয় ৷

দিল্লীৰ মুখ্যমন্ত্ৰী কেজৰিৱালে লগতে কয় যে, যেতিয়া তেওঁ খোৱাই নাই তেতিয়া টকা ক’ৰ পৰা পাব । এই গোটেই অভিযোগবোৰ মিছা । আগন্তুক সময়ত সকলো বিধায়ক আৰু কাউন্সিলাৰে দুৱাৰে দুৱাৰে প্ৰচাৰ কৰি দুয়োৰে গ্ৰেপ্তাৰৰ সঁচা কথা ক’ব বুলি কেজৰিৱালে একপ্ৰকাৰ বিজেপিক সকীয়নি দিয়ে ।

লগতে পঢ়ক: Arrested Ministers Resign : উপ মুখ্যমন্ত্ৰীৰ পদ এৰিলে চিছোদিয়াই; সত্যেন্দ্ৰ জৈনেও এৰিলে মন্ত্ৰীৰ বাব