নিউজ ডেস্ক , ২৪ জানুৱাৰী : তামিলনাডুত উৎকোচ লৈ চিবিআইৰ জালত পৰিল এগৰাকী শ্ৰম আয়ুক্ত । ৩০ হাজাৰ টকা উৎকোচ লোৱাৰ অভিযোগত চিবিআইয়ে গ্ৰেপ্তাৰ কৰে এজন আঞ্চলিক শ্ৰমিক আয়ুক্তক । অভিযোগ অনুসৰি এন মুৰলী নামৰ এজন লোকৰ পৰা ধন দাবী কৰি মাদুৰাইৰ আঞ্চলিক শ্ৰম আয়ুক্ত পি শিৱৰাজন শনিবাৰে জালত পৰে চিবিআইৰ ।
শিৱৰাজনে শ্ৰমিক অনুজ্ঞাপত্ৰ জাৰী কৰাৰ বিনিময়ত এটা ব্যক্তিগত কোম্পানীক প্ৰতিনিধিত্ব কৰা মুৰলীৰ পৰা ধন দাবী কৰাৰ অভিযোগত এটা গোচৰ ৰুজু কৰা হৈছিল। তাৰ পিছতে অভিযুক্তৰ বাসগৃহ আৰু কাৰ্যালয়কে ধৰি চেন্নাই আৰু মাদুৰাইৰ পাঁচটা স্থানত চিবিআইয়ে অভিযান চলায় । গ্ৰেপ্তাৰৰ পিছতে অভিযুক্তক চিবিআইৰ বিশেষ ন্য়ায়াধীশৰ আদালতত হাজিৰ কৰা হয় আৰু ন্য়ায়িক জিম্মালৈ প্ৰেৰণ কৰা হয় ।
লগতে পঢ়ক :দিল্লীত পাকিস্তান জিন্দাবাদ ধ্বনি দি আৰক্ষীৰ ৰোষত ৬ গৰাকী ব্য়ক্তি
