নেশ্যনেল ডেস্ক, 27 ডিচেম্বৰ : তেলেংগানা-ছত্তিশগড় সীমান্তত সংঘটিত হৈছে গুলীচালনাৰ ঘটনা ৷ সোমবাৰে পুৱা সংঘটিত হোৱা এই গুলীচালনাৰ ঘটনাত 6 গৰাকী মাওবাদী নিহত (Six Naxals killed in encounter) হৈছে ৷
প্ৰাপ্ত তথ্য অনুসৰি, মাওবাদীৰ সৈতে সোমবাৰে তেলেংগানা আৰক্ষীৰ এক বিশেষ শাখাৰ সংঘৰ্ষৰ সূত্ৰপাত ঘটে ৷ দুয়োখন ৰাজ্যৰ সীমান্তৱৰ্তী এলেকাৰ কিস্তাৰাম আৰক্ষী থানাৰ অন্তৰ্গত ঘন জংঘলত এই গুলীচালনাৰ ঘটনা সংঘটিত হয় ৷ আৰক্ষীক দেখা মাত্ৰেই মাওবাদীৰ দলটোৱে গুলীচালন কৰে ৷ প্ৰত্যুত্তৰত আৰক্ষীয়েও গুলীয়াই দলটোক ৷
আৰক্ষীৰ তৰফৰ পৰা এয়া তেলেংগানা আৰু ছত্তিশগড় আৰক্ষীৰ লগতে কেন্দ্ৰীয় সংৰক্ষিত আৰক্ষী বাহিনী চমুকৈ চিআৰপিএফৰ যুটীয়া অভিযান আছিল বুলি সদৰী কৰিছে ৷
লগতে চাওক: Ammunition recovered in Jharkhand : ঝাৰখণ্ডত মাৰণাস্ত্ৰ উদ্ধাৰ
