নেশ্যনেল ডেস্ক, 26 অক্টোবৰ : মঙলবাৰে উত্তৰ কাশ্মীৰৰ বোন্দাপোৰা জিলাৰ চাম্বল অঞ্চলত সংঘটিত হৈছে এক বিস্ফোৰণৰ ঘটনা ৷ এই ঘটনাত পাঁচজনকৈ লোক গুৰুতৰভাৱে আঘাতপ্ৰাপ্ত হৈছে ৷
এগৰাকী শীৰ্ষ আৰক্ষী বিষয়াই জনোৱা অনুসৰি, "চাম্বলত নিম্ন প্ৰাবল্যৰ এক বিস্ফোৰণ সংঘটিত হৈছে ৷ য’ত পাঁচজনকৈ লোক আঘাতপ্ৰাপ্ত হয় ৷ প্ৰথমাৱস্থাত তেওঁলোক আটাইকেইগৰাকীকে চাম্বলৰ কমিউনিটি হেল্থ চেণ্টাৰলৈ নিয়া হয় যদিও পৰৱৰ্তী সময়ত উন্নত চিকিৎসাৰ বাবে শ্ৰীনগৰলৈ প্ৰেৰণ কৰা হয়" ৷
সম্প্ৰতি তদন্তৰ বাবে ঘটনাস্থলীত উপস্থিত হৈছে আৰক্ষী ৷ বৰ্তমানলৈকে ঘটনাত কোনো লোক হতাহত হোৱাৰ তথ্য পোহৰলৈ অহা নাই ৷
লগতে পঢ়ক : পুলৱামা আক্ৰমণৰ শ্বহীদ জোৱানলৈ শ্ৰদ্ধাঞ্জলি অমিত শ্বাহৰ
