চৰকাৰৰ ভেকচিন নীতিক সমালোচনা কংগ্ৰেছৰ

কেন্দ্ৰীয় চৰকাৰৰ প্ৰতিষেধক নীতিক লৈ তীব্ৰ আক্ৰমণ কৰি কংগ্ৰেছৰ ৷ দলটোৰ মুখপাত্ৰ জয়বীৰ শ্বেৰগিলে অভিযোগ উত্থাপন কৰি কয় যে, ভাৰতীয় জনতা পাৰ্টী সম্পূৰ্ণ সক্ৰিয় হৈ থাকে যেতিয়া ঘৰে ঘৰে ভোট বিচৰাৰ সময় হয় ৷ কিন্তু যেতিয়া ঘৰে ঘৰে ভেকছিন দিয়াৰ সময় হয় তেতিয়া সম্পূৰ্ণ নিদ্ৰামগ্ন হৈ থাকে ।

নিউজ ডেস্ক, 7 জুন : কংগ্ৰেছ দলে সোমবাৰে পুনৰ এবাৰ কেন্দ্ৰীয় চৰকাৰৰ বিৰুদ্ধে টীকাকৰণ নীতিৰ বাবে তীব্ৰ আক্ৰমণ চলাই অভিযোগ কৰে যে, "বিজেপিয়ে কেৱল ভোট সুৰক্ষাত বিশ্বাস কৰে, ভেকচিন সুৰক্ষাত নহয়"।

এক ভিডিঅ' বিবৃতিত কংগ্ৰেছৰ মুখপাত্ৰ জয়বীৰ শ্বেৰগিলে কয় যে, "ভাৰতৰ জনসংখ্যাৰ মাত্ৰ ৩.৫ শতাংশ লোকক প্ৰতিষেধক প্ৰদান কৰাৰ সৈতে, এতিয়া এইটো স্পষ্ট হৈ পৰিছে যে বিজেপি চৰকাৰে ভোটাৰসকলৰ বাবে "ব্যৱহাৰ কৰা আৰু দলিওৱা নীতি" ব্যৱহাৰ কৰিছে । যেতিয়া 'ঘৰে ঘৰে ভোট বিচৰাৰ সময় হয় তেতিয়া বিজেপি সম্পূৰ্ণ সক্ৰিয় হৈ থাকে কিন্তু যেতিয়া ঘৰে ঘৰে ভেকচিন দিয়াৰ সময় হৈছে তেতিয়া সম্পূৰ্ণ নিদ্ৰামগ্ন হৈ আছে ।"

তেওঁ লগতে প্ৰশ্ন উত্থাপন কৰি কয় যে, "নিৰ্বাচনৰ পূৰ্বে বিজেপিয়ে ঘৰে ঘৰে ভোটাৰৰ শ্লিপ দিয়ে কিন্তু আজি ভেকচিন পঞ্জীয়ন নিশ্চিত কৰাৰ ক্ষেত্ৰত সমগ্ৰ বিজেপি ব্ৰিগেডে তেওঁলোকৰ ঘৰত আৰামেৰে আছে । ইণ্টাৰনেটৰ সুবিধা নোপোৱা ভাৰতৰ জনসংখ্যাৰ 55 শতাংশ লোকৰ বাবে পঞ্জীয়ন নিশ্চিত কৰাৰ ক্ষেত্ৰত চৰকাৰৰ পৰিকল্পনা কি?"

লগতে পঢ়ক: প্ৰধানমন্ত্ৰী, নাড্ডাৰে বৈঠক বিজেপিৰ ৰাষ্ট্ৰীয় সাধাৰণ সম্পাদকসকলৰ