নিউজ ডেস্ক, ৭ জুন : বিহাৰ NIA-ৰ এটা দলে ঝাৰখণ্ডৰ পালামু জিলাত অভিযান চলাইছে (Bihar NIA raids in Jharkhand) । শীৰ্ষ মাওবাদী অভিজিত যাদৱ আৰু প্ৰসাদ যাদৱৰ ঘৰত দলটোৱে অভিযান চলায় । NIA দলটোৱে মাওবাদী দুজনৰ ঘৰত বিভিন্ন নথিপত্ৰ পৰীক্ষা কৰি আছে (NIA operation at maoists abhijeet yadav house) । শীৰ্ষ মাওবাদী অভিজিত যাদৱৰ ঘৰ পালামু জিলাৰ ছত্ৰপুৰ আৰক্ষী থানা অঞ্চলৰ অন্তৰ্গত বন্ধুদিহ গাঁৱত । আনহাতে, প্ৰসাদ যাদৱৰ ঘৰ হৈছে ছত্ৰপুৰ আৰক্ষী থানা অঞ্চলৰ বাগায়া গাঁৱত (maoist Prasad Yadav arrested) ।
উল্লেখ্য, ২০১৫-১৬ বৰ্ষত বিহাৰৰ ঔৰঙ্গাবাদৰ মদনপুৰ অঞ্চলত এটা ডাঙৰ নক্সাল আক্ৰমণ সংঘটি হৈছিল । এই আক্ৰমণত বহুতো সৈনিক শ্বহীদ হৈছিল । বিহাৰ NIA-ৰ দলে এই গোচৰটোৰ তদন্ত কৰি আছে । এই সন্দৰ্ভতে বিহাৰ NIA-ৰ এটা ১২ জনীয়া দল বুধবাৰে পালামুত উপস্থিত হয় আৰু অভিজিত যাদৱ আৰু প্ৰসাদ যাদৱৰ ঘৰত তালাচী চলায় (NIA search operation against maoist in Jharkhand) ।
প্ৰণিধানযোগ্য যে ঝাৰখণ্ড চৰকাৰে অভিজিত যাদৱৰ ওপৰত ১০ লাখ টকাৰ পুৰস্কাৰ ঘোষণা কৰি থৈছে । আনহাতে, প্ৰসাদ যাদৱৰ ওপৰতো ৫ লাখ টকাৰ পুৰস্কাৰ ঘোষণা কৰা আছে । চাৰি মাহ পূৰ্বে এছটিএফে অভিজিত যাদৱক বিহাৰৰ গয়াৰ পৰা গ্ৰেপ্তাৰ কৰে । আনহাতে, পাঁচ মাহ পূৰ্বে পালামু আৰক্ষীয়ে প্ৰসাদ যাদৱকো গ্ৰেপ্তাৰ কৰে আৰু ন্যায়িক জিম্মাত কাৰাগাৰলৈ প্ৰেৰণ কৰে । ইডিয়ে অভিজিত যাদৱৰ বিৰুদ্ধে ইউএপিএৰ ধাৰাৰ অধীনত ব্যৱস্থা গ্ৰহণ কৰিছে আৰু কোটি কোটি টকাৰ সম্পত্তি জব্দ কৰিছে ।
আনহাতে, পালামুৰ ছত্ৰপুৰ আৰক্ষী থানাৰ আৰক্ষীয়েও বিহাৰ NIA-ৰ অভিযানত সহযোগিতা কৰি আছে । পালামু আৰক্ষীৰ এটা ডাঙৰ দলো NIA-ৰ সৈতে উপস্থিত আছে । অভিজিত যাদৱ আৰু প্ৰসাদ যাদৱৰ বিৰুদ্ধে বিহাৰ আৰু ঝাৰখণ্ডত ৭০ টাতকৈও অধিক নক্সাল আক্ৰমণৰ অভিযোগ আছে । এই দুজনৰ আক্ৰমণত ৩০ জনতকৈও অধিক সৈনিক শ্বহীদ হৈছে ।
উল্লেখযোগ্য যে ২০১৬ চনত বিহাৰৰ ঔৰঙ্গাবাদ আৰু গয়া সীমান্তত নক্সাল আক্ৰমণত ১০ জন কোব্ৰা ৰেজিমেণ্টৰ সৈনিক নিহত হৈছিল । অভিজিত যাদৱ আৰু প্ৰসাদ যাদৱ এই আক্ৰমণতো জড়িত আছিল । আনহাতে, ২০১৬-১৭ বৰ্ষত পালামুৰ ছত্ৰপুৰ আৰক্ষী থানা অঞ্চলৰ কালাপাহাৰত হোৱা লেণ্ডমাইন বিস্ফোৰণত ৭ জন আৰক্ষী জোৱান নিহত হৈছিল । অভিজিত যাদৱ মাওবাদীৰ আঞ্চলিক কমাণ্ডাৰ আছিল । গ্ৰেপ্তাৰ হোৱাৰ পূৰ্বে মাওবাদীয়ে তেওঁক ৰাজ্যিক এলেকা সমিতিৰ সদস্য হিচাপে মনোনীত কৰিছিল । আনহাতে, প্ৰসাদ যাদৱ মাওবাদীৰ উপ-আঞ্চলিক সেনাপতি আছিল ।
লগতে পঢ়ক :JNU Kidnapping Case : জেএনইউৰ চৌহদত ছাত্ৰীক উৎপীড়ন, অপহৰণৰ চেষ্টা; গোচৰ ৰুজু
