নেশ্ব’নেল ডেস্ক, 21 মাৰ্চঃ চীনৰ পৰা উৎপত্তি হোৱা কোভিদ-19ৰ আতংকত বলি সমগ্ৰ বিশ্ব ৷ প্ৰতিখন ৰাষ্ট্ৰতে এই ভাইৰাছ বিধে মৃত্যুৰ বিভীষিকা হিচাপে আতংকৰ সৃষ্টি কৰিছে ৷ শেহেতীয়া তথ্য অনুসৰি সমগ্ৰ বিশ্বত ক‘ৰণা ভাইৰাছত 276,503 জন লোক আক্ৰান্ত হৈছে আৰু ইয়াৰ ভিতৰত 11,417 জনৰ মৃত্যু হোৱাৰ সমান্তৰালকৈ 91,954 জন লোক এই ভাইৰাছৰ পৰা বিপদমুক্ত হৈছে ৷
অধিক বেছি আক্ৰান্ত হোৱা বিশ্বৰ 10 খন দেশৰ তথ্য বিশ্লেষণ কৰিলেই স্পষ্ট হৈ পৰে ভাইৰাছবিধৰ ভয়াৱহতাৰ কথা৷ উৎপত্তিস্থল চীনত এই ভাইৰাছ বিধত প্ৰথমে 81,008 জন লোক আক্ৰান্ত হৈছিল ৷ পৰৱৰ্তী সময়ত আকৌ নতুনকৈ 41 জন লোক আক্ৰান্ত হয়৷ চীনত শেহতীয়াকৈ মৃত্যু হোৱা লোকৰ সংখ্যা 7 জন আৰু আৰোগ্য হোৱা লোকৰ সংখ্যা 71,740 জন৷ বৰ্তমানলৈ চিকিৎসালয়ত চিকিৎসাধীন হৈ থকা লোকৰ সংখ্যা 6,013 জন, কিন্তু ইয়াৰ ভিতৰত সংকটজনক অৱস্থাত 1,927 জন লোক চিকিৎসাধীন হৈ আছে ৷
একেদৰে ইটালীত আক্ৰান্ত হোৱা লোকৰ সংখ্যা চীন দেশতকৈ কম যদিও ইটালীতো সৰহ সংখ্যক লোকৰ মৃত্যু হয় ৷ ইটালীতসৰ্বমুঠ 47,021 জন লোক আক্ৰান্ত হোৱাৰ বিপৰীতে মৃত্যুৰ সংখ্যা 4,032 জন৷ ইটালীত আৰোগ্যৰ সংখ্যা 5,129 জন ৷ বৰ্তমানলৈ চিকিৎসাধীন হৈ থকা লোকৰ সংখ্যা 37,860 জন ৷ ইয়াৰে সংকটজনক অৱস্থাত চিকিৎসাধীন হৈ থকা লোকৰ সংখ্যা 2,655 জন ৷
স্পেইনত আক্ৰান্ত হোৱা লোকৰ সংখ্যা 47,021 জন আৰু মৃত্যুৰ সংখ্যা 1,093 জন ৷ বৰ্তমানলৈ আৰোগ্য হোৱা লোকৰ সংখ্যা 1,588 জন ৷ ইয়াৰে চিকিৎসাধীন হৈ থকা লোকৰ সংখ্যা 18,890 আৰু সংকটজনক অৱস্থাত থকা লোকৰ সংখ্যা 939 জন ৷
জাৰ্মানীত কৰ’ণা ভাইৰাছত 19,848 জন লোক আক্ৰান্ত আৰু মৃত্যুৰ সংখ্যা 68 জন ৷ বৰ্তমানলৈ আৰোগ্য হৈছে 180 জন আৰু চিকিৎসাধীন হৈ আছে 19,600 জন লোক ৷ সংকটজনক অৱস্থাত চিকিৎসাধীন হৈ আছে 2 জন লোক ৷
আমেৰিকাত আক্ৰান্তৰ সংখ্যা 19,778 জন৷ নতুনকৈ আক্ৰান্ত হোৱা লোকৰ সংখ্যা 395 জন৷ আমেৰিকাত মৃত্যুৰ সংখ্যা 275 জন ৷ নতুনকৈ মৃত্যু হোৱা লোকৰ সংখ্যা 19 জন আৰু আৰোগ্যৰ সংখ্যা 147 জন লোক৷ চিকিৎসাধীন লোকৰ সংখ্যা 19,353 জন৷ লগতে সংকটজনক অৱস্থাত চিকিৎসাধীন লোকৰ সংখ্যা 64 জন ৷
একেদৰে ইৰানত আক্ৰান্তৰ সংখ্যা 19,644 জন, সৰ্বমুঠ মৃত্যুৰ সংখ্যা 1,433 জন, আৰোগ্যৰ সংখ্যা 6,745 জন আৰু চিকিৎসাধীন লোকৰ সংখ্যা 11,466 জন ৷
ফ্ৰান্সত আক্ৰান্ত 12,612 জন, মৃত্যুৰ সংখ্যা 450, আৰোগ্যৰ সংখ্যা 1,587, চিকিৎসাধীন লোকৰ সংখ্যা 10,575 জন আৰু সংকটজনক অৱস্থাত আছে 1,297 জন লোক ৷
একেদৰে দক্ষিণ কোৰিয়াত আক্ৰান্ত 8,799 জন লোক, নতুনকৈ আক্ৰান্ত লোকৰ সংখ্যা 147 জন, সৰ্বমুঠ মৃত্যুৰ সংখ্যা 102 জন, নতুনকৈ মৃত্যুৰ সংখ্যা 8 জন৷ আৰোগ্য লোকৰ সংখ্যা 2,612 জন ৷ চিকিৎসাধীন লোকৰ সংখ্যা 6,085 জন আৰু সংকটজনক অৱস্থাত চিকিৎসাধীন 59 জন ৷
একেদৰে স্ক‘টলেণ্ডত আক্ৰান্ত লোকৰ সংখ্যা 5,615 জন ৷ মৃতকৰ সংখ্যা 56 জন৷ আৰোগ্য লাভ কৰাৰ সংখ্যা 15 জন ৷ চিকিৎসাধীন হৈ থকা লোকৰ সংখ্যা 5,544 জন আৰু সংকটজনক অৱস্থাত চিকিৎসাধীন লোকৰ সংখ্যা 141 জন৷ এনেদৰে কম-বেছি পৰিমাণে বিশ্বৰ প্ৰায়বোৰ ৰাষ্ট্ৰতে কোভিদ-19 য়ে আতংকৰ সৃষ্টি কৰিছে ৷
উল্লেখ্য যে, ভাৰততো ইয়াৰ ভয়াবহতা বৃদ্ধি পাইছে৷ তথ্য অনুসৰি ভাৰতত আক্ৰান্ত হোৱা লোকৰ সংখ্যা 275 জন ৷ শেহতীয়াকৈ কৰ’ণা ভাইৰাছ আতংকত নতুনকৈ ধৰা পৰিছে 26 জনতকৈও অধিক লোক আৰু সৰ্বমুঠ মৃত্যু হোৱা লোকৰ সংখ্যা 5 জন৷ অৱশ্যে এতিয়ালৈকে 23 জন লোকে আৰোগ্য লাভ কৰে আৰু চিকিৎসাধীন হৈ আছে 247 জন লোক ৷ গতিকে প্ৰতিখন ৰাষ্ট্ৰতে সাৱধানতা অৱলম্বন নকৰিলে হয়তো মৃত্যু উপত্যকতাত পৰিণত হ‘ব পাৰে সমগ্ৰ বিশ্ব ৷
লগতে পঢ়কঃ বিদেশ ভ্ৰমণৰ ইতিবৃত্ত নথকা মহিলাৰ দেহত কৰ'ণা ভাইৰাছৰ অৱস্থিতি
