নিউজ ডেক্স,21 আগষ্টঃ প্ৰতি বছৰে 21 আগষ্টত বিশ্ব জ্যেষ্ঠ নাগৰিক দিৱস পালন কৰা হয় ৷
বিশ্ব জ্যেষ্ঠ নাগৰিক দিৱসৰ ইতিহাসঃ
বিশ্ব জ্যেষ্ঠ নাগৰিক দিৱস পোন প্ৰথমবাৰৰ বাবে 1991 চনৰ 1 অক্টোবৰ তাৰিখে পালন কৰা হৈছিল ৷ উক্ত দিনটো জ্যোষ্ঠ নাগৰিকসকলক প্ৰভাৱিত কৰা বিষয় আৰু কাৰণসমূহ সম্পৰ্কে সজাগতা বৃদ্ধিৰ বাবে স্বীকৃতি দিয়া হৈছিল৷
বিশ্বৰ জ্যেষ্ঠ নাগৰিকসকলে সন্মুখীন হোৱা সমস্যাসমূহঃ
স্বাস্থ্য, অপুষ্টি, আশ্ৰয়ৰ অভাৱ, ভয়, হতাশা, বোধগম্যতা, বিচ্ছিন্নতা, একঘেয়ামি, উৎপাদনহীনতাৰ লগতে আৰ্থিক অক্ষমতাই হ'ল আজি বিশ্বজুৰি প্ৰবীণ নাগৰিক সকলে মুখামুখী হোৱা সৰ্বাধিক সমস্যা ৷ এই সমস্যাসমূহ- 1. শৰিৰীক আৰু মানসিক স্বাস্থ্য আৰু 2. আৰ্থিক সক্ষমতা এই দুই ভাগত ভগাব পাৰি ৷
ভাৰতত প্ৰবীণ নাগৰিক দিৱস উদযাপনৰ বাবে কিছু পৰামৰ্শঃ
2011 চনৰ লোকপিয়ল অনুসৰি ভাৰতত 60ৰ উৰ্দ্ধৰ 104 লাখ জ্যেষ্ঠ নাগৰিক আছে, যাৰ ভিতৰত 51 লাখ পুৰুষ আৰু 53 লাখ মহিলা ৷ প্ৰাপ্ত তথ্য অনুসৰি এই সংখ্যা বছৰৰ পিছত বছৰ বৃদ্ধি পাই আহিছে ৷ দেশৰ প্ৰবীণসকলৰ কথা বিবেচনা কৰি যত্ন আৰু স্নেহেৰে তেওঁলোকৰ সহায়ৰ হাত আগবঢ়োৱাটো আমাৰ মানৱ কৰ্তব্য ৷ পুৰণি স্মৃতি সজ্জীৱিত কৰি জ্যেষ্ঠ সকলৰ বাবে আগবঢ়োৱাটোও তেওঁলোকৰ সৈতে জড়িত থকাৰ এক দুৰ্দান্ত উপায় ৷ মানুহ বৃদ্ধ হোৱাৰ লগে লগে তেঁওলোকৰ দৈনন্দিন কাম কাজ কৰাৰ ক্ষমতা হেৰুৱাবলৈ আৰম্ভ কৰে লগতে স্মৃতিশক্তি হ্ৰাসপোৱাৰ বাবে আনৰ ওপৰত নিৰ্ভৰশীল হবলৈ আৰম্ভ কৰে ৷ বিশ্ব জ্যেষ্ঠ নাগৰিক দিৱস হ'ল আমাৰ সমাজৰ প্ৰতিজন জ্যেষ্ঠৰ প্ৰতি সন্মান জনোৱাৰ এক সোণালী সুযোগ অৰ্থাৎ ভৱিষ্যত প্ৰজন্মক শুদ্ধ নাগৰিকৰ পথত আগবঢ়োৱাৰ সুযোগ ৷
