নতুন দিল্লী,13 ফেব্ৰুৱাৰীঃ ঐতিহাসিক অসম চুক্তিৰ 6 নং দফা কাৰ্যকৰী কৰা সম্পৰ্কে প্ৰস্তুত কৰা প্ৰতিবেদনৰ সৈতে সাজু হৈ উঠিছে অসম চৰকাৰৰ 14 জনীয়া প্ৰতিনিধি দলটো ৷ দলটোৱে এই প্ৰতিবেদন গৃহ মন্ত্ৰণালয়ৰ ওচৰত দাখিল কৰিব ৷ ইটিভি ভাৰতৰ সৈতে হোৱা এক আছুতীয়া সাক্ষাৎকাৰত এই কথা প্ৰকাশ কৰে অৱসৰপ্ৰাপ্ত ন্যায়াধীশ বিপ্লৱ কুমাৰ শৰ্মাই ৷ বিগত 10 ফেব্ৰুৱাৰীত এই প্ৰতিবেদন প্ৰস্তুত হৈ উঠা বুলি প্ৰকাশ কৰে পূৰ্বৰ ন্যায়াধীশ গৰাকীয়ে ৷
শৰ্মাই কয়,সমিতিখনৰ সকলো সদস্যই ইতিমধ্যে উক্ত প্ৰতিবেদনত স্বাক্ষৰ কৰিছে ৷ বিগত বৰ্ষৰ 15 জুলাইত অসম চুক্তিৰ 6 নং দফা কাৰ্যকৰী কৰাৰ সন্দৰ্ভত গৃহ মন্ত্ৰণালয়ে 14 জনীয়া প্ৰতিনিধি দলটো গঠন কৰে য’ত 1985 চনত স্বাক্ষৰিত কৰা হৈছিল ৷ এই দফাই সৰ্বসাধাৰণক সাংবিধানিক সুৰক্ষা প্ৰদানৰ উপৰিও আইনী আৰু প্ৰশাসনিক সুৰক্ষা সুনিশ্চিত কৰাত সহায় কৰিব ৷ 6 নং দফাত উল্লেখ আছে যে,"সাংবিধানিক,আইনী আৰু প্ৰশাসনিক সুৰক্ষাৰ লগতে অসমীয়া তথা খিলঞ্জীয়াৰ আটাইবোৰ সাংস্কৃতিক,সামাজিক আৰু ভাষাৰ পৰিচয় ৰক্ষা কৰাৰ লগতে সংৰক্ষণত সহায় কৰিব ৷
বিপ্লৱ কুমাৰ শৰ্মাই চৰকাৰৰ দ্বাৰা দিয়া দায়িত্ব অনুসৰি খিলঞ্জীয়া আৰু অসমীয়াসকলক চিনাক্ত কৰাৰ বাবে চেষ্টা অব্যাহত ৰাখিব বুলি উল্লেখ কৰে ৷ বাস্তৱিকতে,অসমৰ ছাত্ৰ সংগঠনসমূহৰ লগতে বিৰোধী ৰাজনৈতিক দলসমূহে 6 নং দফা কাৰ্যকৰী কৰাৰ বাবে দাবী উত্থাপন কৰি আহিছে ৷ বিশেষকৈ সদৌ অসম ছাত্ৰ সন্থাই নাগৰিকত্ব সংশোধনী আইনৰ পূৰ্বে 6 নং দফা কাৰ্যকৰী কৰিবলৈ গুৰুত্ব আৰোপ কৰিছিল ৷ 6 নং দফাই বিদেশীৰ পৰা খিলঞ্জীয়া লোকসকল নিৰাপদে থকাৰ লগতে অধিকাৰসমূহ অটুট ৰখাত সহায়ক হ’ব বুলি আছুৱে বিশ্বাস কৰে ৷ পূৰ্বে সমিতিখনৰ বাবে অসমীয়াৰ সংজ্ঞা এক গুৰুত্বপূৰ্ণ বিষয় হিচাপে থিয় দিছিল ৷ অসমীয়াৰ সংজ্ঞা নিৰ্ধাৰণ কৰি সাংবিধানিক সুৰক্ষা প্ৰদানৰ হকে অধিকাংশই 1951 বৰ্ষক ভিত্তি বৰ্ষ হিচাপে লৈ আগবঢ়াৰ কথা চিন্তা কৰিছিল ৷
অসমত ভিন্ন জনজাতি-উপ-জনজাতি থকাৰ কথা উল্লেখ কৰি শৰ্মাই কয়,অসমীয়াৰ সংজ্ঞা নিৰ্ধাৰণ কৰাতো এক কঠোৰ প্ৰত্যাহ্বান আছিল ৷ সেয়ে কাৰ্যকালৰ সময়ত প্ৰতিনিধি দলটোৰ সদস্যসকলে কোকৰাঝাৰ,তেজপুৰ,যোৰহাট,ডিব্ৰুগড়,কাৰ্বি আংলং,ডিফু আৰু শিলচৰকে ধৰি সাতখন জিলাত উপস্থিত হৈ বিভিন্ন দল-সংগঠনৰ মতামত সংগ্ৰহ কৰে ৷ লগতে উক্ত সময়ছোৱাত প্ৰায় 1200 প্ৰতিবেদন প্ৰস্তুত কৰে ৷ এই প্ৰতিবেদনে আগন্তুক সময়ত অসমীয়া তথা খিলঞ্জীয়া লোকসকলক সহায় কৰিব বুলি বিশ্বাস কৰে পূৰ্বৰ ন্যায়াধীশ গৰাকীয়ে ৷
লগতে চাওকঃবড়ো চুক্তিক লিপষ্টিকৰে তুলনা প্ৰাক্তন মুখ্যমন্ত্ৰী তৰুণ গগৈৰ
