নিউজ ডেস্ক, ২ মে' : পশ্চিমবংগ চৰকাৰৰ স্বাস্থ্য বিভাগে শুকুৰবাৰে এক নিৰ্দেশনা জাৰী কৰি ৰাজ্যখনৰ ব্যক্তিগতখণ্ডৰ স্বাস্থ্যকেন্দ্ৰসমূহ মুকলি কৰিবলৈ নিৰ্দেশ প্ৰদান কৰিছে । লকডাউন তথা কোভিড-১৯ৰ ফলত সাধাৰণ জনতাই সন্মুখীন হোৱা অসুবিধাৰ ফলতে এই সিদ্ধান্ত গ্ৰহণ কৰিছে ৰাজ্যখনৰ চৰকাৰে ।
দৰাচলতে লকডাউনৰ সময়চোৱাত পশ্চিমবংগৰ স্বাস্থ্য় বিভাগে সাধাৰণ তথা জৰুৰীকালীন স্বাস্থ্যসেৱা বিষয়ক বহুটো অভিযোগ লাভ কৰে । কোভিড-১৯ৰ ফলত ৰাজ্যখনৰ বহুটো চিকিৎসালয়ে সাধাৰণ তথা জৰুৰীকালীন সেৱা প্ৰদানৰ পৰা দুৰত আছিল আৰু ইয়াৰ দুৰ্ভোগ ভূগিবলগীয়া হৈছিল সাধাৰণ জনতাই ।
আইচিএমআৰৰ নিৰ্দেশনা পালন কৰি, সুৰক্ষাৰ সকলো দিশ আগত ৰাখি এইদৰে ব্যক্তিগত স্বাস্থ্য়কেন্দ্ৰসমূহক স্বাস্থ্যসেৱা আগবঢ়াই নিবলৈ পুনৰ নিৰ্দেশনা জাৰী কৰে পশ্চিমবংগৰ স্বাস্থ্যবিভাগে । ৰাজ্যখনত ব্লাড ট্ৰানছফিউজন, ডায়েলাছিচ, কেমথেৰাপি, অৱষ্টেট্ৰিক কেয়াৰ, ইনষ্টিটিউশ্বনেল ডেলিভাৰী, ইমুনিশ্বেজন আদি স্বাস্থ্যসেৱাসমূহ লকডাউনৰ ফলত ব্যাহত হৈ পৰিছিলি । কোভিড-১৯ৰ ভয়ত এইসমূহ সেৱা একপ্ৰকাৰ বন্ধ কৰি দিয়াৰ নিছিনাই হৈছিল । কিন্তু ইতিমধ্যে লাভ কৰা অভিযোগৰ পিচতে তৎপৰ হৈ স্বাস্থ্য়বিভাগ । আনহাতে এই নিয়মাৱলী পালন নকৰিলে স্বাস্থ্যকেন্দ্ৰসমূহে শাস্তিৰ সন্মুখীন হ'ব লাগিব বুলিও নিৰ্দেশনাটোত কোৱা হৈছে ।
