নিউজ ডেস্ক, ১ মেঃ উত্তৰ প্ৰদেশৰ চৰকাৰে লক ডাউনৰ বাবে বিভিন্ন ৰাজ্যত আৱদ্ধ হৈ থকা ছাত্ৰ-ছাত্ৰীক নিজ গৃহ ৰাজ্যলৈ ঘূৰাই পঠাবলৈ সিদ্ধান্ত গ্ৰহণ কৰে । যাৰ বাবে শুকুৰবাৰে নয়দাত আৱদ্ধ হৈ পৰা ছাত্ৰ-ছাত্ৰীসকলৰ বাবে অনলাইনযোগে প-পত্ৰ পূৰন কৰাৰ ব্যৱস্থা গ্ৰহণ কৰে কৰিছে চৰকাৰখনে ।
অনলাইন ফৰ্মত ছাত্ৰ-ছাত্ৰীসকলৰ নাম, ঠিকনা, পিতৃ-মাতৃৰ নাম সহিতে তাৰ বিবৰণ, পাঠ্যক্ৰম তথা বিশ্ববিদ্যালয়ৰ উপৰিও ৰাজ্যসমূহৰ নাম অন্তৰ্ভুক্ত কৰাৰ লগতে অন্য বিষয় সন্দৰ্ভত তথ্য দাখিল কৰিবলৈ নিৰ্দেশ দিয়ে ।
আনহাতে, উত্তৰ প্ৰদেশৰ গৌতম বুদ্ধ জিলাৰ জিলা মেজিষ্ট্ৰেটে টুইটযোগে কয় যে, "প্ৰিয় শিক্ষাৰ্থীসকল, ৰাজ্য চৰকাৰৰ নিৰ্দেশ অনুসৰি এইটো লিংক প্ৰৱাসী শিক্ষাৰ্থীসকলক নিজ নিজ ঘৰলৈ পঠিয়াবলৈ প্ৰস্তুত কৰা হৈছে । আপোনালোক আটাইলৈ অনুৰোধ কৰিছো এই লিংকটোত ক্লিক কৰি নিজৰ সম্পূৰ্ণ বিবৰণ দাঙি ধৰক । আপোনালকৰ পূৰ্ণ তথ্য লাভ কৰাৰ পাচতে আমাৰ তৰফৰ পৰা ইমেইল, এছএমএছৰ মাধ্যমেৰে আপোনালকলৰ লগত সম্পৰ্ক স্থাপন কৰা হ'ব ।
