নিউজ ডেস্ক, ১৯ জুনঃ উত্তৰ প্ৰদেশৰ ফাটেহপুৰত বজ্ৰপাত পৰি মৃত্যু দুগৰাকীকৈ ব্যক্তিৰ । জিলাখনৰ দুটা বেলেগ বেলেগ অঞ্চলত বজ্ৰপাত পৰি মৃত্যু হয় ব্যক্তি দুগৰাকীৰ ।
বিকাশ নামৰ এজন ২০ বছৰীয়া যুৱকজনে ফাটেহপুৰৰ খাজিপুৰস্থিত নিজ গৃহলৈ উভতি যোৱা সময়তে সংঘটি হয় এই ঘটনা । যুৱকজনক প্ৰত্যক্ষদৰ্শীয়ে ততাতৈয়াকৈ ওচৰৰ হাস্পতালত ভৰ্তি কৰায় যদিও মৃত বুলি ঘোষণা কৰে চিকিৎসকে ।
আনহাতে, বৃহস্পতিবাৰে জংঘলত বজ্ৰপাত পৰাৰ ফলতেই ৰতনলাল বাল্মীকি নামৰ ৪৫ বছৰীয়া এজন লোকৰ মৃত্যু হয় বুলি জানিবলৈ দিয়ে লালুকী আৰক্ষী থানাৰ আৰক্ষী বিষয়াই । লগতে মৃত দুয়োগৰাকী ব্যক্তিৰে মৰণোত্তৰ পৰীক্ষাৰ পাচতে মৃতদেহ দুটা পৰিয়ালৰ লোকক চমজাই দি দুয়োটা পৰিয়ালকে আৰ্থিক সাহাৰ্য প্ৰদান কৰা হ'ব বুলি সদৰি কৰে আৰক্ষীয়ে ।
