নিউজ ডেস্ক , ৩১ জানুৱাৰী : পশ্চিমবংগৰ সুন্দৰবনত শোকাবহ নাও দুৰ্ঘটনা । যাত্ৰী ভৰ্তি নাৱৰ দুৰ্ঘটনাৰ ফলত এজন পৰ্যটকৰ মৃত্য়ু হয় লগতে আন এজন সন্ধানহীন হয় । আৰক্ষীয়ে জনোৱা মতে হেৰোভাঙ্গা নদীত ২২ জন লোকক লৈ যোৱা নাওখন ডুবি যোৱাৰ পিছত এজন পৰ্যটক ডুব যায় আৰু আন এগৰাকী নিৰুদ্দেশ হয় ।
কলকাতাৰ পৰা অহা পৰ্যটকৰ দলটোৱে দক্ষিণ ২৪ পৰগণা জিলাৰ জাৰখালি জংঘল অঞ্চলত পৰ্যটন স্থান ভ্ৰমণৰ বাবে ইঞ্জিনচালিত নাওখন ভাড়া কৰিছিল । নাওখনত ২২ গৰাকী লোকৰ ভিতৰত ২ গৰাকী শিশু আছিল বুলি আৰক্ষীয়ে জনায় ।
৬৫ বছৰীয়া সুবোধ গিতানুৰ এই দুৰ্ঘটনাত মৃত্যু হোৱাৰ লগতে প্ৰতিমা দলৈ নামৰ এগৰাকী মহিলা নিৰুদ্দেশ হয় । সন্ধানহীন মহিলাগৰাকীৰ বাবে উদ্ধাৰকাৰী দলে ইতিমধ্য়ে অভিযান আৰম্ভ কৰা বুলি আৰক্ষীয়ে জানিবলৈ দিয়ে ।
